പഴനി: കാറോടിക്കുന്നതിനിടെ ഹൃദയാഘാതം വന്ന് ഡ്രൈവര് മരിക്കുകയും, നിയന്ത്രണം വിട്ട കാര് സ്കൂട്ടറില് ഇടിച്ച് സ്കൂട്ടര് യാത്രക്കാരില് ഒരാള് മരിക്കുകയും, മറ്റൊരാള്ക്ക് ഗുരുതരമായി പരിക്കേല്ക്കുകയും ചെയ്തു.മധുര സിക്കന്തര് ചാവടിയില് ഗ്യാസ് എജന്സി നടത്തുന്ന സെന്തില്കുമാറാണ്(45) ഹൃദയാഘാതം മൂലം മരിച്ചത്.ഇയാള് ഓടിച്ചിരുന്ന കാര് ഇടിച്ച് സ്കൂട്ടര് യാത്രക്കാരനായ ആണയൂരിലെ സിനിമ തീയേറ്റര് തൊഴിലാളി ശങ്കര്(47) മരിച്ചു. ഭാര്യ നാഗലക്ഷ്മിക്ക് ഗുരുതരമായി പരിക്കേറ്റു.
വ്യാഴാഴ്ച്ച രാത്രി എട്ടുമണിയ്ക്കാണ് സംഭവം നടന്നത്.സെന്തില്കുമാര് മധുര ഫാത്തിമകോളേജ് ഭാഗത്തേക്ക് പോവുകയായിരുന്നു. മധുര കൂടല് നഗര് പാലത്തില് വെച്ച് ഇയാള്ക്ക് നെഞ്ച് വേദന വന്ന് ഉടന് മരണപ്പെട്ടതായി പറയപ്പെടുന്നു.കാര് നിയന്ത്രണം വിട്ട് പാലത്തിലൂടെ ഓടി.എതിരെ വന്ന പല വാഹനങ്ങളുമായി കൂട്ടിയിടിച്ചു. ശങ്കറിന്റെ സ്കൂട്ടറില് ഇടിച്ചതിന് ശേഷം ഏരെ നേരം മുന്നോട്ട് പോയി, പാലത്തിന്റെ ഇറക്കത്തിലുളള തൂണില് ഇടിച്ചാണ് കാര് നിന്നത്.മധുര തല്ലകുളം പോലീസ് മേല്നടപടികള് സ്വീകരിച്ചു.മൃതദേഹങ്ങള് സര്ക്കാര് ആശുപത്രി മോര്ച്ചറിയിലേക്ക് മാറ്റി.
