തൃശ്ശൂര്‍:കുട്ടികള്‍ക്ക് മുന്നില്‍ നഗ്നതപ്രദര്‍ശനം നടത്തിയ നടന്‍ ശ്രീജിത്ത് രവി ജാമ്യത്തിനായി ഹൈക്കോടിയിലേക്ക്.ജാമ്യാപേക്ഷ ഇന്ന് തന്നെ കോടതി പരിഗണിക്കുമെന്നാണ് സൂചന.നിലവില്‍ ശ്രീജിത്ത് രവി പോക്സോ കേസില്‍ റിമാന്‍ഡിലാണ്.മാനസികരോഗത്തിന് ചികിത്സയിലാണെന്നും, മരുന്ന് കഴിക്കാത്തത് കൊണ്ടാണ് തെറ്റ് സംഭവിച്ചത്, തെറ്റ് സ്വഭാവവൈകൃതിന്റെ ഭാഗമാണ്,അന്വേഷണവുമായി സഹകരിക്കുമെന്നും, ജാമ്യം അനുവദിക്കണമെന്നും ശ്രീജിത്ത് രവി ആവശ്യപ്പെട്ടു.
ഇന്നലെയാണ് നടന്റെ അറസ്റ്റ് രേഖപ്പെടുത്തിയത്.തൃശ്ശൂര്‍ അഡീഷണല്‍ സെഷന്‍സ് കോടതിയാണ് ജാമ്യം തടഞ്ഞത്.ഇതിനാലാണ് ഹൈക്കോടിയെ ജാമ്യത്തിനായി സമീപിക്കുന്നത്.ജൂലൈ നാലിന് അയ്യന്തോള്‍ എസ്എന്‍ പാര്‍ക്കിന് സമീപത്തെ ഫ്‌ളാറ്റിന് മുന്നില്‍ കളിച്ചുകൊണ്ടിരുന്ന കുട്ടികളുടെ മുന്നിലാണ് നഗ്നത പ്രദര്‍ശനം നടന്നത്.തലേദിവസവും സമാനമായ സംഭവം നടന്നു.കറുത്ത കാറില്‍ എത്തി ആള്‍ നഗ്നതപ്രദര്‍ശനം നടത്തിയെന്ന് കുട്ടികള്‍ രക്ഷിതാക്കളോട് പരാതി പറഞ്ഞു.എന്നാല്‍ വീട്ടുകാര്‍ ആദ്യദിവസം പരാതി നല്‍കിയില്ല.എന്നാല്‍ പിറ്റേന്നും ഇത് ആവര്‍ത്തിച്ചതോടെ വെസ്റ്റ് പോലീസില്‍ പാരാതി നല്‍കി.
എന്നാല്‍ കുട്ടികള്‍ക്ക് ആളെ വ്യക്തമായിരുന്നില്ല.സിസിടിവി ദൃശ്യങ്ങളുടെ സഹായത്തോടെ കാര്‍ കണ്ടെത്തുകയും പ്രതി ശ്രീജിത്ത് രവിയാണെന്ന് മനസിലാവുകയുമായിരുന്നു.സമാനമായ സംഭവത്തില്‍ പാലക്കാട് വെച്ചും ശ്രീജിത്ത് രവിയെ അറസ്റ്റ് ചെയ്തിട്ടുണ്ട്.ഇത് ചൂണ്ടിക്കാട്ടിയാണ് പ്രതിയ്‌ക്ക് ജാമ്യം നല്‍കരുതെന്ന് പോലീസ് കോടതിയില്‍ ആവ്ശ്യപ്പെട്ടത്.പ്രതിയ്‌ക്കെതിരെ സ്ത്രീകള്‍ക്കുനേരെ അതിക്രമം തടയല്‍, പോക്സോ കേസ് വകുപ്പുകള്‍ ചുമത്തിയിട്ടുണ്ട്.മൂന്ന് വര്‍ഷം വരെ തടവ് കിട്ടാവുന്ന വകുപ്പുകളാണിവ.
പ്രതികരിക്കാൻ ഇവിടെ എഴുതുക: