ന്യൂദല്‍ഹി: പ്രവാചകനിന്ദ നടത്തിയെന്ന് ആരോപിക്കുന്ന മുന്‍ ബിജെപി വക്താവ് നൂപുര്‍ ശര്‍മ്മയുടെ നാക്ക് മുറിച്ചാല്‍ രണ്ട് കോടിരൂപ പാരിതോഷികമായി വാഗ്ദാനം ചെയ്ത ഹരിയാന സ്വദേശിയായ യുവാവിനെതിരെ കേസ് എടുത്തു.ഇര്‍ഷാദ് പ്രധാന്‍ എന്ന യുവാവിനെതിരെയാണ് നൂഹ് പോലീസ് കേസ് എടുത്തത്.
ഇയാള്‍ പ്രതിഫലം പ്രഖ്യാപിക്കുന്നതിന്റെ വീഡിയോ സമൂഹമാധ്യമങ്ങളില്‍ പ്രചരിക്കുന്നുണ്ടായിരുന്നു.ഇയാള്‍ക്കെതിരെ കര്‍ശന നടപടി സ്വീകരിക്കണമെന്ന് ചണ്ഡീഗണ്ഡ് ആദ്യന്തരമന്ത്രി അനില്‍ രാജ് ആവശ്യപ്പെട്ടു.രാജ്യത്ത് ക്രമസമാധാനം തകര്‍ക്കാന്‍ ശ്രമിക്കുന്നവരെ കര്‍ശനമായി നേരിടുമെന്നും അദ്ദേഹം പറഞ്ഞു.വീഡിയോ പ്രചരിച്ചതിന് പിന്നാലെ സ്ഥലത്ത് സംഘര്‍ഷാവസ്ഥ ഉടലെടുത്തിരുന്നു.
‘ അവളുടെ നാവ് കൊണ്ടുവന്ന് ഇപ്പോള്‍ത്തന്നെ രണ്ട് കോടി സ്വന്തമാക്കൂ’ എന്നാണ് ഇയാള്‍ വീഡിയോയില്‍ പറയുന്നത്.വിവിധ വകുപ്പുകള്‍ ചേര്‍ത്ത് ഇയാള്‍ക്കെതിരെ കേസ് എടുത്തു.ഇത്തരം വീഡിയോകള്‍ പിന്തുണയ്‌ക്കുകയോ, പ്രചരിപ്പിക്കുകയോ ചെയ്യുന്നവര്‍ക്കെതിരെ നടപടിയെടുക്കാന്‍ സോഷ്യല്‍ മീഡിയാ സെല്ലിനോടും നിര്‍ദ്ദേശം നല്‍കിയിട്ടുണ്ടെന്ന് നൂഹ് പോലീസ് സൂപ്രണ്ട് സിംഗ്ല പറഞ്ഞു.
പ്രതികരിക്കാൻ ഇവിടെ എഴുതുക: