തിരുവനന്തപുരം: ഗാര്‍ഹിക ഉപഭോക്താക്കള്‍ക്ക് സബ്‌സിഡിയോടെ പുരപ്പുറ സൗരോര്‍ജ നിലയങ്ങള്‍ സ്ഥാപിക്കുന്നതിനുള്ള പദ്ധതിയില്‍ അംഗമാകുന്നതിന് ഇന്നു മുതല്‍ സ്‌പോട്ട് രജിസ്ട്രേഷന്. കണ്‍സ്യൂമര്‍ നമ്പറുമായി ഉപഭോക്താവിന് സൗകര്യപ്രദമായ ഏത് ഇലക്ട്രിക്കല്‍ സെക്ഷന്‍ ഓഫീസിലും എത്തി സൗര പോര്‍ട്ടലില്‍ ekiran.kseb.in രജിസ്ട്രേഷന് നടത്താം.
ഇന്നു മുതല്‍ 30 വരെ തിരുവനന്തപുരം, കൊല്ലം, കോട്ടയം, പത്തനംതിട്ട ജില്ലകളിലും നാളെ മുതല്‍ ജൂലൈ 1 വരെ ആലപ്പുഴ, എറണാകുളം, തൃശ്ശൂര്‍, ഇടുക്കി ജില്ലകളിലും 29, 30, ജൂലൈ 1, 2 വരെ പാലക്കാട്, കോഴിക്കോട്, മലപ്പുറം ജില്ലകളിലും 30, ജൂലൈ 1,2,4 തീയതികളില്‍ വയനാട്, കണ്ണൂര്‍ കാസര്‍കോട് ജില്ലകളിലും രജിസ്ട്രേഷന് സൗകര്യമുണ്ടാകും. പുരപ്പുറ സൗരോര്‍ജ നിലയങ്ങള്‍ സ്ഥാപിക്കുവാന്‍ 200 മെഗാവാട്ടാണ് കേന്ദ്ര പുനരുപയോഗ ഊര്‍ജമന്ത്രാലയം അനുവദിച്ചിട്ടുള്ളത്.
പ്രതികരിക്കാൻ ഇവിടെ എഴുതുക: