ന്യൂഡൽഹി: പ്രസംഗിക്കുമ്പോള്‍ സിപിഎം നേതാക്കള്‍ ആദിവാസി ക്ഷേമവും സ്ത്രീശാക്തീകരണവും പറയും. പക്ഷെ എൻഡിഎയുടെ രാഷ്ട്രപതി സ്ഥാനാർത്ഥിയായ സാന്താള്‍ ഗോത്രവര്‍ഗ്ഗ വംശജയായ ദ്രൗപതി മുർമുവിനെ സിപിഎം തള്ളിക്കളയും. മുർമുവിനെ രാഷ്‌ട്രീയമായി നേരിടുമെന്നാണ് സിപിഎം ജനറൽ സെക്രട്ടറി സീതാറാം യെച്ചൂരി നടത്തിയ പ്രഖ്യാപനം.
“പ്രതിപക്ഷത്തിന്റെ സ്ഥാനാർത്ഥിയായ യശ്വന്ത് സിന്‍ഹയെ പിൻവലിക്കില്ല. അവർ ഗോത്ര വർഗത്തിൽ നിന്നുള്ള സ്ഥാനാർത്ഥിയാണെങ്കിലും ഇതിനെല്ലാം പിന്നിൽ രാഷ്‌ട്രീയമുണ്ട്. ധ്രുവീകരണമാണ് ബിജെപി ലക്ഷ്യമിടുന്നത്. അതുകൊണ്ടാണ് എതിർക്കുന്നത്”- സീതാറാം യെച്ചൂരി പറഞ്ഞു.
എൻഡിഎയ്‌ക്ക് പുറത്ത് നിന്നും ദ്രൗപതി മുർമുവിന് വലിയ പിന്തുണയാണ് ലഭിക്കുന്നത്. ഒഡീഷ മുഖ്യമന്ത്രി നവീൻ പട്‌നായിക് ഉൾപ്പെടെ ഉള്ളവർ ദ്രൗപതി മുർമുവിന് പിന്തുണ പ്രഖ്യാപിച്ചിരുന്നു. യശ്വന്ത് സിൻഹയ്‌ക്കാണ് സിപിഎം പിന്തുണ പ്രഖ്യാപിച്ചിരിക്കുന്നത്.
പ്രതികരിക്കാൻ ഇവിടെ എഴുതുക: