തിരുവനന്തപുരത്ത് യുവാവ് യുവതിയെ കൊലപ്പെടുത്തിയതിന് ശേഷം ആത്മഹത്യ ചെയ്തു

തിരുവനന്തപുരം: കല്ലറയില്‍ യുവാവ് യുവതിയെ കൊന്ന് സ്വയം ജീവനൊടുക്കി.കല്ലറ സ്വദേശിനി സുമി(18)യാണ് മരിച്ചത്. കീഴായിക്കോണം സ്വദേശി ഉണ്ണി(21)ആണ് ആത്മഹത്യ ചെയ്തത്.ഇവര്‍ തമ്മില്‍ മൂന്ന് വര്‍ഷത്തോളമായി അടുപ്പത്തിലായിരുന്നു.ഞായറാഴ്‌ച്ചയാണ് സംഭവം നടന്നത്.

സുമിയുടെ വീടിനടുത്തുളള റബ്ബര്‍തോട്ടത്തിലാണ് ഇരുവരും മരിച്ചുകിടന്നത്.സുമിയുടെ മൃതദേഹം നിലത്ത് കിടക്കുകയും, ഉണ്ണിയുടെത് തൂങ്ങി മരിച്ച നിലയിലുമായിരുന്നു.സുമിയെ ഉണ്ണി കഴുത്ത് ഞെരിച്ച് ശ്വാസംമുട്ടിച്ച് കൊലപ്പെടുത്തിയതാണെന്ന് കരുതുന്നു.സുമിയ്‌ക്ക് മറ്റൊരു യുവാവുമായി അടുപ്പമുണ്ടെന്ന സംശയമാണ് കൊലപാതകത്തില്‍ കലാശിച്ചത്.മൃതദേഹങ്ങള്‍ പോസ്റ്റമോര്‍ട്ടത്തിനായി മെഡിക്കല്‍കോളേജിലേക്ക് മാറ്റി.