കോഴിക്കോട്: കുറ്റ്യാടി അമ്പലക്കുളങ്ങര കോണ്‍ഗ്രസ് മണ്ഡലം കമ്മിറ്റി ഓഫീസിന് നേരെ ആക്രമണം.ഇന്ന് പുലര്‍ച്ചെയായിരുന്നു ബോംബേറുണ്ടായത്. ആക്രമണത്തില്‍ ജനല്‍ച്ചില്ലുകള്‍ പൊട്ടി. കുറ്റ്യാടി സി ഐയും സംഘവും സ്ഥലത്തെത്തി പരിശോധന നടത്തി. ആക്രമണത്തിന് പിന്നിൽ സിപി എം ആണെന്നാണ് ആരോപണം.
നയതന്ത്ര സ്വർണ കള്ളക്കടത്തുമായി ബന്ധപ്പെട്ട് സംസ്ഥാനത്ത് പ്രതിഷേധം ശക്തമാണ്. മുഖ്യമന്ത്രിക്കെതിരെ തെരുവിലിറങ്ങുന്നവരെ സിപിഎം, ഡിവൈഎഫ് ഐ പ്രവർത്തകർ ചേർന്നാണ് അടിച്ചൊതുക്കുന്നത്. അക്രമാസക്തരായാണ് സിപി എം തെരുവിൽ അഴിഞ്ഞാടുന്നത്.
അതേസമയം, കെ എസ് യു തിരുവനന്തപുരം ജില്ലാ സെക്രട്ടറി അനന്തകൃഷ്ണന്റെ വീടിന് നേരെ അക്രമികള്‍ ബിയര്‍ കുപ്പികള്‍ എറിഞ്ഞു. ആക്രമണത്തില്‍ ജനല്‍ച്ചില്ല് തകര്‍ന്നു. ഇന്നലെ രാത്രിയായിരുന്നു സംഭവം. അനന്തകൃഷ്ണന്റെ പരാതിയിൽ പൊലീസ് കേസ് രജിസ്റ്ററ്‍ ചെയ്തു.
പ്രതികരിക്കാൻ ഇവിടെ എഴുതുക: