ലാസ്വെഗസ്: ഫുട്ബോള് താരം ക്രിസ്റ്റ്യാനോ റൊണാള്ഡോയ്ക്കെതിരായ ബലാത്സംഗ കേസ് ലാസ് വെഗാസിലെ യുഎസ് ജില്ലാ ജഡ്ജി തള്ളി. പരാതിക്ക് പിന്നിലെ നിയമസംഘത്തെ കോടതി കുറ്റപ്പെടുത്തുകയും ചെയ്തു.
2009 ല് ലാസ് വെഗാസിലെ ഹോട്ടല് മുറിയില്വെച്ച് പോര്ച്ചുഗീസ് ഫുട്ബോള് താരം തന്നെ ആക്രമിച്ചെന്നാരോപിച്ച് നെവാഡിയയിലെ കാതറിന് മയോര്ഗ നല്കിയ കേസാണ് കോടതി തള്ളിയത്. കഴിഞ്ഞ മാസം പരാതിക്കാരിയുടെ അഭിഭാഷകര് കേസ് സ്വമേധയാ തള്ളിക്കളയാന് നീക്കം നടത്തിയിരുന്നു. എന്നാല് അത് കോടതി വിധിയോടെ മാത്രമേ അവസാനിപ്പിക്കുവാനാകൂ എന്നതുകൊണ്ട് കേസ് തുടരുകയായിരുന്നു.
കഴിഞ്ഞ വര്ഷം സെപ്റ്റംബറിലാണ് റൊണാള്ഡോയിക്കെതിരെ മയോള്ഗ പരാതി നല്കിയത്. ആരോപണവിധേയമായതിന് തൊട്ടുപിന്നാലെ റെണാള്ഡോയുമായി സാമ്പത്തിക ഒത്തുതീര്പ്പിന് സമ്മതിച്ചതായും മയോര്ഗ പറഞ്ഞിരുന്നു. എന്നാല് പരാതിയിലെ ആരോപണങ്ങള് റൊണാള്ഡോ അന്ന് തന്നെ തള്ളിയിരിന്നു.
