പിണറായി സഞ്ചരിക്കുന്ന അടിയന്തരാവസ്ഥയെന്ന് കെ.കെ. രമ

തിരുവനന്തപുരം: മുഖ്യമന്ത്രി പിണറായി വിജയന്‍ സഞ്ചരിക്കുന്ന അടിയന്തരാവസ്ഥയായി മാറിയിരിക്കുകയാണെന്ന് ആര്‍എംപി നേതാവ് കെ.കെ. രമ എംഎല്‍എ കുറ്റപ്പോടുത്തി.  

മുഖ്യമന്ത്രി കടന്നുപോകുന്ന വഴികളില്‍ ജനങ്ങളെ ഒഴിപ്പിക്കുന്ന പരിഹാസ്യമായ ഭീരുത്വം കേരളം ഇതിനു മുന്‍പ് എന്നെങ്കിലും കണ്ടിട്ടുണ്ടോയെന്നും കെ.കെ. രമ ചോദിക്കുന്നു. പിണറായി വിജയന്റെ സാന്നിധ്യമുള്ളതിന്റെ നിശ്ചിത കിലോമീറ്റര്‍ ദൂരം കറുപ്പ് നിറത്തിന് നിരോധനം ഏര്‍പ്പെടുത്തിയത് സ്ഥിതി എന്തുമാത്രം ഭയനകമാണെന്നതിന്റെ തെളിവാണെന്നും രമ പറഞ്ഞു.  

രമയുടെ ഫേസ്ബുക്കിന്റെ പൂര്‍ണ്ണരൂപം വായിക്കാം:

ഭരണകൂട ഭീകരത ഒരു മുഖ്യമന്ത്രിയുടെ ഭീരുത്വത്തിന് കുടപിടിച്ച് നില്‍ക്കുന്നതാണ് കേരളം ഇന്ന് കണ്ടുകൊണ്ടിരിക്കുന്നത്. മാധ്യമപ്രവര്‍ത്തകരുടെ പോലും കറുത്ത മാസ്ക് വലിച്ചൂരുകയാണ് പൊലീസ്. കറുത്ത ചുരിദാറണിഞ്ഞ് സഞ്ചരിച്ച കുറ്റത്തിന് ട്രാന്‍സ് ജെന്‍ഡേഴ്സിനെപ്പോലും അപമാനിച്ച് പിടിച്ചുകൊണ്ടുപോകുന്ന ഭരണകൂട ഭീകരതയാണിവിടെ. – രമ പറയുന്നു.