പാലക്കാട്: രണ്ട് ബോഡി ഗാര്ഡുകളെ സ്വന്തം ചെലവില് നിയമിച്ച് സ്വപ്ന സുരേഷ്. ഭീഷണികള് വര്ധിച്ച സാഹചര്യത്തിലാണ് ഈ നീക്കം.
തന്റെ ജീവന് ഭീഷണിയുണ്ടെന്ന് കാട്ടി ഹൈക്കോടതിയില് പരാതി നല്കാനിരിക്കുകയാണ് സ്വപ്ന. കൂടെ നില്ക്കുന്നവരെ വേട്ടയാടുന്ന സ്ഥിതി വിശേഷമുണ്ടായതോടെയാണ് സ്വപ്നയ്ക്ക് സുരക്ഷയെക്കുറിച്ച് ആശങ്കകള് വര്ധിച്ചത്. സരത്തിനെ പൊലിസ് അറസ്റ്റ് ചെയ്യുകയും മൊബൈല് ഫോണ് പിടിച്ചെടുക്കുകയും ചെയ്തു. അഭിഭാഷകന് കൃഷ്ണരാജിനെതിരെ ജാമ്യമില്ലാ വകുപ്പ് വെച്ച് കേസെടുത്തു. ഈ സാഹചര്യത്തിലാണ് രണ്ട് പുതിയ സുരക്ഷാ ഉദ്യോഗസ്ഥരെ സ്വന്തം ചെലവില് നിയമിച്ചത്.
ജാമ്യവ്യവസ്ഥയുടെ ഭാഗമായി ഞായറാഴ്ച സ്വപ്ന പാലക്കാട് സൗത്ത് പൊലീസ് സ്റ്റേഷനിലെത്തി ഒപ്പിട്ടു. അഭിഭാഷകന് കൃഷ്ണരാജുമായി സ്വപ്ന ഞായറാഴ്ച കൂടിക്കാഴ്ച നടത്തും. സ്വപ്നയുടെ ഫ്ളാറ്റിലും പരിസരത്തും രഹസ്യാന്വേഷണ വിഭാഗം കര്ശന നിരീക്ഷണം നടത്തുകയാണ്.
