കാണ്പൂര്: കാണ്പൂര് കലാപകാരികളെ ജയിയില് സന്ദര്ശിക്കാന് കാണ്പൂരിലെത്തിയ മുസ്ലിം ലീഗ് നേതാവും എംപിയുമായ ഇ.ടി മുഹമ്മദ് ബഷീറിനെയും സംഘത്തെയും യു.പി പൊലീസ് തടഞ്ഞു. ഇന്നലെ അര്ധരാത്രിയാണ് സംഭവം. തടഞ്ഞ കാര്യം ഇ.ടി മുഹമ്മദ് ബഷീര് തന്നെയാണ് ഫേസ്ബുക്ക് പേജിലൂടെ അറിയിച്ചത്. പൊലീസ് തടഞ്ഞതിനെ തുടര്ന്ന് റോഡിലിരുന്ന് പ്രതിഷേധിച്ചെങ്കിലും യുപി പൊലീസ് വഴങ്ങിയില്ല. മുതിര്ന്ന പൊലീസ് ഉദ്യോഗസ്ഥരുടെ അഭ്യര്ത്ഥന മാനിച്ച് തല്ക്കാലം ഡല്ഹിയിലേക്ക് മടങ്ങുകയാണെന്നും അദ്ദേഹം അറിയിച്ചു. യുപി പൊലീസിന്റെ ജനാധിപത്യ വിരുദ്ധമായ നടപടിക്കെതിരെ പ്രതിഷേധം തുടരുമെന്നും ഇ.ടി വ്യക്തമാക്കി.
പോസ്റ്റിന്റെ പൂര്ണരൂപം-
പ്രവാചക നിന്ദക്കെതിരെ പ്രതിഷേധിച്ചതിന് പോലീസ് വേട്ടയാടല് നേരിട്ട മനുഷ്യരെയും മറ്റു ബന്ധപ്പെട്ടവരെയും നേരില് കാണാന് കാണ്പൂരിലെത്തി, എന്നാല് ഈ അര്ദ്ധരാത്രി യു പി പോലീസ് പല ന്യായങ്ങള് പറഞ് ഞങ്ങളെ തടഞ്ഞിരിക്കുയാണ്, അതിനെത്തുടര്ന്ന് ഞങ്ങള് റോഡിലിരുന്ന് പ്രതിഷേധിച്ചു , എന്നിട്ടും യു പി പോലീസ് വഴങ്ങാന് തയ്യാറായില്ല .
ഇപ്പോള് മുതിര്ന്ന പോലീസ് ഉദ്യോഗസ്ഥരുടെ അഭ്യര്ത്ഥന മാനിച്ച് തല്ക്കാലം ഡല്ഹിയിലേക്ക് മടങ്ങുകയാണ് . യു പി പോലീസിന്റെ ഈ ജനാധിപത്യ വിരുദ്ധമായ നടപടിക്കെതിരെ പ്രതിഷേധം തുടരും
