പെഗാസസ് ഗ്ലോബല് പ്രൈവറ്റ് ലിമിറ്റഡിന്റെ ബാനറില് ജെബിത അജിത് നിര്മിക്കുന്ന ‘ആഗസ്റ്റ് 27’ എന്ന പുതിയ ചിത്രത്തിന്റെ ഔദ്യോഗിക പോസ്റ്റര് പുറത്തിറക്കി. സൗന്ദര്യമത്സരംഗത്ത് പ്രമുഖ സ്ഥാനം വഹിക്കുന്ന ഡോ. അജിത് രവി പെഗാസസാണ് ചിത്രത്തിന്റെ സംവിധാനം. കൊച്ചിയിലെ ‘ലെ മെരിഡിയന്’ ഹോട്ടലില് വെച്ച് നടന്ന ഈ വര്ഷത്തെ പ്രമുഖ ഫാഷന് ഷോ ആയ ‘മിസ് കേരള 2022’ ഇവന്റില് വെച്ചാണ് ഔദ്യോഗിക പോസ്റ്ററും പുറത്തിറക്കിയത്.
ദ്വിഭാഷാ ചിത്രമെന്ന പ്രത്യേകതയും ആഗസ്റ്റ് 27ന് ഉണ്ട്. ഈ ചിത്രത്തിന്റെ ഷൂട്ടിംഗ് തിരുവനന്തപുരം കൊച്ചി മൂന്നാര് എന്നിവിടങ്ങളിലായി പുരോഗമിക്കുന്നു. കുമ്പളത്തു പദ്മകുമാര് കഥയും തിരക്കഥയും തയ്യാറാക്കിയിരിക്കുന്ന ഈ ചിത്രത്തിന്റെ ഛായാഗ്രഹണം നിവ്വഹിച്ചിരിക്കുന്നത് കൃഷ്ണ പി.എസ് ആണ്.
ഷിജു അബ്ദുള് റഷീദ്, ജസീല, എം .ആര് ഗോപകുമാര്, സജിമോന് പാറയില്, നീന കുറുപ്പ്, താര കല്യാണ് എന്നിവര് ചിത്രത്തില് കേന്ദ്ര കഥപാത്രങ്ങളെ അവതരിപ്പിച്ചിരിക്കുന്നു. കുടുംബബന്ധങ്ങളുടെ കഥയാണ് ചിത്രത്തിന്റെ ഇതിവൃത്തം. ശാന്തി അലന്, അമല് വിജയ്, വള്ളിക്കോട് രമേശന്, മധു മുണ്ഡകം എന്നിവരുടെ വരികള്ക്ക് അഖില് വിജയ്, സാം ശിവ എന്നിവര് സംഗീതം നല്കിയിരിക്കുന്നു. ചിത്രത്തിന്റെ പശ്ചാത്തല സംഗീതം ഒരുക്കിയിരിക്കുന്നത് സാനന്ദ് ജോര്ജ്ജ് ആണ്.
കലാസംവിധാനം: ഗ്ലാട്ടന് പീറ്റര്, സഹസംവിധായകര്: സബിന്. കെ. കെ, കെ. പി അയ്യപ്പദാസ്. മേക്ക് അപ്പ്: സൈജു, എഡിറ്റിങ്: ജയചന്ദ്ര കൃഷ്ണ, വസ്ത്രാലങ്കാരം: റസാഖ് തിരൂര്, പ്രൊഡക്ഷന് കണ്ട്രോളര്: ജബ്ബാര് മതിലകം, ജിതിന് മലയിന്കീഴ്, കളറിസ്റ്റ്: മഹാദേവന്, സൗണ്ട് ഇഫക്ട്സ്: രാജ് മാര്ത്താണ്ഡം, സ്റ്റില്സ്: ജിനീഷ്, ഡിസൈന്: ഷിബു പത്തുര്(പെഗാസസ്), വാര്ത്താപ്രചരണം: പി ശിവപ്രസാദ്.
