തൃശ്ശൂര്: കൈയ്യില് വെള്ളി ബ്രെയ്സിലേറ്റ് ധരിച്ചെത്തിയതിന്റെ പേരില് മദ്രസ വിദ്യാര്ത്ഥിക്ക് ക്രൂര പീഡനം. പഴവൂര് ജുമാ മസ്ജിദിലാണ് സംഭവം. കേസില് മദ്രസ അധ്യപകന് സദര് വന്ദേരി ഐരൂര് സ്വദേശി ഖാസിം സഖാഫിക്കെതിരെ കേസെടുത്തു.
മദ്രസയില് കുട്ടി ബ്രെയിസിലേറ്റ് ധരിച്ചെത്തിയതിനെ അധ്യാപകന് ചോദ്യം ചെയ്തു. നീക്കം ചെയ്യാന് ആവശ്യപ്പെട്ടെങ്കിലും കുട്ടി അതിന് തയാറായില്ല. ഇതേ തുടര്ന്ന് അധ്യാപകന് വടി ഉപയോഗിച്ച് കുട്ടിയെ ക്രൂരമായി മര്ദിക്കുകയായിരുന്നു.
വിദ്യാര്ത്ഥിയെ ആദ്യം വടക്കാഞ്ചേരി സര്ക്കാര് ആശുപത്രിയിലും തുടര്ന്ന് തൃശൂര് മെഡിക്കല് കോളജ് ആശുപത്രിയിലും പ്രവേശിപ്പിച്ചു. രക്ഷിതാക്കളുടെ പരാതിയുടെ അടിസ്ഥാനത്തില് കുട്ടിയുടെ മൊഴിയെടുത്ത പൊലീസ് കേസെടുക്കുകയായിരുന്നു.
