തൊടുപുഴ: മൂന്നാമത് ജന്മഭൂമി ടെലിവിഷന്‍ അവാര്‍ഡ് ‘ദൃശ്യം 2022’ ഇന്ന് വൈകിട്ട് 5.30ന് തൊടുപുഴ ജോഷ് പവലിയന്‍ ഓഡിറ്റോറിയത്തില്‍ നടക്കും. നടന്‍ ഉണ്ണി മുകുന്ദന്‍ മുഖ്യാതിഥിയാകും. ദൃശ്യ പരമ്പരകളിലൂടെ കുടുംബപ്രേക്ഷകരുടെ മനംകവര്‍ന്ന പ്രിയ താരങ്ങള്‍ അണിനിരക്കുന്ന പുരസ്‌കാര നിശയുടെ ഒരുക്കങ്ങള്‍ പൂര്‍ത്തിയായി.
സംവിധായകന്‍ സുരേഷ്‌കുമാര്‍, മേനകാ സുരേഷ്, കുമ്മനം രാജശേഖരന്‍, എംഎല്‍എമാരായ പി.ജെ. ജോസഫ്, മാത്യു കുഴല്‍നാടന്‍, ജന്മഭൂമി എംഡി എം. രാധാകൃഷ്ണന്‍, മുന്‍ മുഖ്യപത്രാധിപര്‍ പി. നാരായണന്‍, മഞ്ഞള്ളൂര്‍ പഞ്ചായത്ത് പ്രസിഡന്റ് ആന്‍സി ജോസ്, തൊടുപുഴ നഗരസഭ ചെയര്‍മാന്‍ സനീഷ് ജോര്‍ജ് തുടങ്ങിയവര്‍ മുഖ്യാതിഥികളാകും.
ഭാവചിത്ര ജയകുമാര്‍, നടന്‍ ശ്രീകാന്ത്, നടിമാരായ നിതാ പിള്ള, കൃഷ്ണപ്രഭ, രാജേഷ് ടച്ച്റിവര്‍, ജൂറി അംഗങ്ങളായ സംവിധായകന്‍ ജി.എസ്. വിജയന്‍, കലാധരന്‍, ദീപു കരുണാകരന്‍, നടി ലീലാ പണിക്കര്‍, ഗുര്‍ദ്ദീപ് കൗര്‍, പി. ശ്രീകുമാര്‍ തുടങ്ങിയവര്‍ പങ്കെടുക്കും. പരിപാടി നടക്കുന്ന പ്രധാന ഹാളിന് പുറമെ സമീപത്തെ ഓഡിറ്റോറിയത്തില്‍ ബിഗ് സ്‌ക്രീനില്‍ തത്സമയ പ്രദര്‍ശനവുമുണ്ടാകും.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: