ചെന്നൈ: ഇന്ത്യ തദ്ദേശീയമായി വികസിപ്പിച്ചെടുത്ത 5ജി നെറ്റ് വര്‍ക്കില്‍ നിന്ന് ആദ്യ വീഡിയോ കോള്‍ ചെയ്ത് കേന്ദ്ര വാര്‍ത്തവിനിമയ മന്ത്രി അശ്വിനി വൈഷ്ണവ്.മദ്രാസ് ഐ.ഐ.ടിയില്‍ വെച്ചാണ് രാജ്യത്തെ ആദ്യത്തെ 5ജി വിഡിയോ, ഓഡിയോ കോളിന്റെ പരീക്ഷണം മന്ത്രി നിര്‍വഹിച്ചത്.എന്‍ഡ് ടു എന്‍ഡ് നെറ്റവര്‍ക്ക് പൂര്‍ണ്ണമായും ഇന്ത്യയില്‍ തന്നെയാണ് രൂപകല്‍പന ചെയ്തതെന്നും, വികസിപ്പിച്ചതെന്നും അദ്ദേഹം പറഞ്ഞു.
നമ്മുടെ സ്വന്തം 4ജി, 5ജി സങ്കേതിക വിദ്യ വികസിപ്പിക എന്നതായിരുന്നു നമ്മുടെ ലക്ഷ്യമെന്നും, തദ്ദേശീയമായി സേവനങ്ങളും ഉത്പന്നങ്ങളും നിര്‍മിക്കുകയെന്ന പ്രധാനമന്ത്രിയുടെ ആത്മനിര്‍ഭര്‍ കാഴ്‌ച്ചപാടിന്റെ സാക്ഷാത്കാരമാണിതെന്നും അശ്വിനി വൈഷ്ണവ് പറഞ്ഞു.
സ്റ്റാര്‍ട്ട്അപ്പുകള്‍ക്കും മറ്റ് വ്യവസായങ്ങള്‍ക്കും 5ജി ഉപകരണങ്ങളും സങ്കേതിക വിദ്യയും വികസിപ്പിക്കാന്‍ ആവശ്യമായ 5ജി ടെസ്റ്റ് -ബെഡ് കഴിഞ്ഞ ദിവസം പ്രധാനമന്ത്രി നരേന്ദ്രമോദി ഉദ്ഘാടനം ചെയ്തിരുന്നു.ഇന്ത്യന്‍ 5ജി ടെസ്റ്റ് -ബെഡ് ടെലിക്കോം മേഖലയിലെ സ്വയംപര്യാപ്തതയിലേക്കുളള പ്രധാനപ്പെട്ട ചുവടുവയ്പാണെന്ന് പ്രധാനമന്ത്രി പറഞ്ഞു.
പ്രതികരിക്കാൻ ഇവിടെ എഴുതുക: