കോട്ടയം: കെഎസ്ആര്ടിസി ജീവനക്കാരെകൂട്ട ആത്മഹത്യയിലേക്ക് തള്ളിവിടുന്ന സര്ക്കാര് നയത്തിനെതിരെയുള്ള പ്രതിഷേധത്തിന്റെ ഭാഗമായി ശനിയാഴ്ച കോട്ടയം ജില്ലാ കമ്മിറ്റിയുടെ നേതൃത്വത്തില് മന്ത്രി വി.എന്. വാസവന്റെ വസതിയിലേക്ക് മാര്ച്ച് നടക്കും. രാവിലെ 10ന് പാമ്പാടിയില് നിന്ന് മാര്ച്ച് ആരംഭിക്കും.
കെഎസ്ആര്ടിസി ജീവനക്കാര്ക്ക് ശമ്പളം നല്കാന് സര്ക്കാരിന് ബാധ്യതയില്ലെന്ന ഗതാഗത വകുപ്പ് മന്ത്രിയുടെ പ്രഖ്യാപനം തൊഴിലാളി വിരുദ്ധ നയമാണ് കാണിക്കുന്നതെന്ന് ജില്ലാ സെക്രട്ടി പി.എന്. ബാബുലാല് പറഞ്ഞു. തുടര്ച്ചയായി ശമ്പളം മുടങ്ങുന്നത് ജീവനക്കാരുടെ ജീവിത സാഹചര്യത്തെ ബാധിച്ചിട്ടുണ്ട്. സര്ക്കാരിന്റെ തൊഴിലാളി വിരുദ്ധ നിലപാടിനുള്ള ശക്തമായ താക്കീതായിരിക്കും പട്ടിണി മാര്ച്ചെന്ന് കെഎസ്ടി എംപ്ലോയീസ് സംഘ് കോട്ടയം ജില്ലാ കമ്മിറ്റി അറിയിച്ചു.
