മഴമാറിനിന്നാല്‍ വടക്കുംനാഥന് വര്‍ണ്ണങ്ങള്‍കൊണ്ട് ആറാട്ട്; തൃശൂര്‍ പൂരം വെടിക്കെട്ട് നാളെ; ആരാധകര്‍ക്ക് ആവേശം

തൃശൂര്‍: മഴമൂലം രണ്ടു തവണ മാറ്റിവച്ച തൃശൂര്‍ പൂരത്തിന്റെ വെടിക്കെട്ട് നാളെ നടക്കും. വൈകിട്ട് നാലിന് വെടിക്കെട്ട് നടത്താനാണ് തീരുമാനം. ഇന്നു രാത്രിയും രാവിലെയും അതിശക്തമായ മഴയില്ലെങ്കില്‍ നാളെത്തന്നെ വെടിക്കെട്ട് നടത്തുമെന്നു ജില്ലാ ഭരണകൂടം വ്യക്തമാക്കി.  

സാംപിള്‍ വെടിക്കെട്ടിന് ഏര്‍പ്പെടുത്തിയ രീതിയിലുള്ള എല്ലാ നിയന്ത്രണങ്ങളും ഉണ്ടാകും. ഉച്ചയ്‌ക്കു പന്ത്രണ്ടോടെ സ്വരാജ് റൗണ്ടിലേക്കുള്ള പ്രവേശനം നിയന്ത്രിക്കും. പകല്‍ വെടിക്കെട്ടായതിനാല്‍ വര്‍ണക്കാഴ്ച ഉണ്ടാവില്ല. വൈകുന്നേരം മഴയുടെ സാധ്യത നിലനില്‍ക്കുന്നതിനാലാണ് നടത്തുക. ഇന്നു പകല്‍ മഴ മാറി നിന്നതോടെയാണു വെടിക്കെട്ട് നടത്താന്‍ ജില്ലാ ഭരണകൂടം തീരുമാനിച്ചത്.