തൊടുപുഴ: കേരളത്തില് അടുത്ത നാലു ദിവസം ഒറ്റപ്പെട്ട ശക്തമായ മഴയോ അതിശക്തമായ മഴയോ ലഭിക്കുമെന്ന് കേന്ദ്ര അന്തരീക്ഷ ശാസ്ത്രകേന്ദ്രം അറിയിച്ചു. കാലവര്ഷം 27നുതന്നെ കേരളത്തിലെത്തും. മഴ നേരത്തേ എത്താനുള്ള എല്ലാ സാഹചര്യങ്ങളും നിലവിലുണ്ടെന്ന് കാലാവസ്ഥാ ഗവേഷകന് ഡോ. ഗോപകുമാര് ചോലയില് ജന്മഭൂമിയോടു പറഞ്ഞു.
തെക്കു പടിഞ്ഞാറന് മണ്സൂണ് ആന്ഡമാന് നിക്കോബാര് ദ്വീപുകളിലും ആന്ഡമാന് കടലിലും തെക്കന് ബംഗാള് ഉള്ക്കടലിന്റെ ചില ഭാഗങ്ങളിലുമെത്തി. മൂന്നു ദിവസത്തിനുള്ളില് ഉള്ക്കടലിന്റെ കിഴക്കന് മധ്യമേഖലയില്ക്കൂടി കാലവര്ഷം കേരളത്തില് കടക്കും.
ഇന്ന് മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ടാണ്. മറ്റു ജില്ലകളില് യെല്ലോ അലര്ട്ടും. നാളെ തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ടുണ്ടണ്ട്. തെക്കന് കര്ണാടക തീരത്ത് അന്തരീക്ഷച്ചുഴി രൂപമെടുത്തതാണ് വടക്കന് ജില്ലകളില് മഴ ശക്തമാകാന് കാരണം.
കേരള തീരത്തും ഉള്ക്കടലിലും 60 കിലോമീറ്റര് വരെ വേഗത്തില് കാറ്റിനു സാധ്യതയുള്ളതിനാല് മത്സ്യബന്ധനത്തിനു പോകുന്നതിനു നിരോധനമണ്ട്.
വേനല്ക്കാലം രണ്ടര മാസം പിന്നിടുമ്പോള് 22.79 സെന്റിമീറ്റര് മഴ ലഭിക്കേണ്ട സ്ഥാനത്ത് ശരാശരി 43 സെന്റിമീറ്റര് മഴ ലഭിച്ചു. കെഎസ്ഇബിയുടെ സംഭരണികളിലേക്ക് ഈ മാസം ഇതുവരെ 147.8 മില്യണ് യൂണിറ്റിനുള്ള വെള്ളം ഒഴുകിയെത്തി. ഇതോടെ വൈദ്യുതി പ്രതിസന്ധിയില്ലാതായി.
ഒറ്റപ്പെട്ടയിടങ്ങളിൽ അതിശക്തമായ മഴക്കുള്ള സാധ്യതയുണ്ട്. കഴിഞ്ഞ ദിവസങ്ങളിൽ വലിയ അളവിൽ മഴ ലഭിച്ച പ്രദേശങ്ങളിൽ മഴ തുടരുന്ന സാഹചര്യത്തിൽ താഴ്ന്ന പ്രദേശങ്ങൾ, നദീതീരങ്ങൾ, ഉരുൾപൊട്ടൽ-മണ്ണിടിച്ചിൽ സാധ്യതയുള്ള മലയോര പ്രദേശങ്ങൾ തുടങ്ങിയ ഇടങ്ങളിലുള്ളവർ അതീവ ജാഗ്രത പാലിക്കണം.
2018, 2019, 2020, 2021 വർഷങ്ങളിൽ ഉരുൾപൊട്ടൽ-മണ്ണിടിച്ചിൽ, വെള്ളപ്പൊക്കം എന്നിവ ഉണ്ടായ മേഖലകളിലുള്ളവരും ജിയോളജിക്കൽ സർവേ ഓഫ് ഇന്ത്യയും സംസ്ഥാന ദുരന്ത നിവാരണ അതോറിറ്റിയുടെ വിദഗ്ധ സമിതിയും അപകട സാധ്യത മേഖലകൾ അഥവാ വാസയോഗ്യമല്ലാത്ത പ്രദേശങ്ങൾ എന്ന് കണ്ടെത്തിയ സ്ഥലങ്ങളിൽ താമസിക്കുന്നവരും അവിടങ്ങളിലുള്ള തദ്ദേശ സ്ഥാപനങ്ങളും സർക്കാർ സംവിധാനങ്ങളും അപകട സാധ്യത മുന്നിൽ കണ്ട് കൊണ്ടുള്ള തയ്യാറെടുപ്പുകൾ പൂർത്തീകരിക്കേണ്ടതാണ്.
പൊതുജനങ്ങൾക്കുള്ള പ്രത്യേക നിർദേശങ്ങൾ
അതിശക്തമായ മഴ മുന്നറിയിപ്പുള്ള സാഹചര്യത്തിൽ അധികൃതരുടെ നിർദേശങ്ങൾ അനുസരിച്ച് മാറിത്താമസിക്കേണ്ട ഇടങ്ങളിൽ അതിനോട് സഹകരിക്കേണ്ടതാണ്.
വിവിധ തീരങ്ങളിൽ കടലാക്രമണം ശക്തമാകാൻ സാധ്യതയുള്ളതിനാൽ അപകട മേഖലകളിൽ താമസിക്കുന്നവർ ജാഗ്രത പാലിക്കണം. ആവശ്യമായ ഘട്ടത്തിൽ മാറി താമസിക്കണം. മൽസ്യബന്ധനോപധികൾ സുരക്ഷിതമാക്കി വെക്കണം.
അടച്ചുറപ്പില്ലാത്ത വീടുകളിൽ താമസിക്കുന്നവരും മേൽക്കൂര ശക്തമല്ലാത്ത വീടുകളിൽ താമസിക്കുന്നവരും മുന്നറിയിപ്പുകളുടെ അടിസ്ഥാനത്തിൽ സുരക്ഷയെ മുൻകരുതി മാറി താമസിക്കാൻ തയ്യാറാവേണ്ടതാണെന്ന് കേന്ദ്ര കാലാവസ്ഥ വകുപ്പ് അറിയിച്ചു.
സ്വകാര്യ-പൊതു ഇടങ്ങളിൽ അപകടാവസ്ഥയിൽ നിൽക്കുന്ന മരങ്ങൾ/പോസ്റ്റുകൾ/ബോർഡുകൾ തുടങ്ങിയവ സുരക്ഷിതമാക്കേണ്ടതും മരങ്ങൾ കോതി ഒതുക്കുകയും ചെയ്യേണ്ടതാണ്. അപകടാവസ്ഥകൾ അധികൃതരുടെ ശ്രദ്ധയിൽ പെടുത്തേണ്ടതാണ്.
ദുരിതാശ്വാസ ക്യാമ്പുകളിലേക്ക് മാറേണ്ടുന്ന ഘട്ടങ്ങളിൽ പൂർണ്ണമായും കോവിഡ് മാനദണ്ഡങ്ങൾ പാലിക്കാൻ തയ്യാറാവണം.
