ദുബായ്:യുഎഇ മുന്പ്രസിഡന്റ് ഷെയ്ഖ് ഖലീഫ ബിന് സയ്യിദ് അല് നഹ്യാന്റെ വിയോഗത്തില് ഇന്ത്യയുടെ ഉപരാഷ്ട്രപതി എം. വെങ്കയ്യ നായിഡു അബുദാബിയില് നേരിട്ടെത്തി അനുശോചനം അറിയിച്ചു.
ഇപ്പോഴത്തെ പ്രസിഡന്റ് ഷെയ്ഖ് മുഹമ്മദ് ബിന് സായിദ് അല് നഹ്യാനുമായി ഉപരാഷ്ട്രപതി കൂടിക്കാഴ്ച നടത്തി. ഇന്ത്യയും യുഎഇ പ്രസിഡന്റിന്റെ നിര്യാണത്തെ തുടര്ന്ന് ഒരു ദിവസം ദുഖാചരണം നടത്തിയിരുന്നു.
രാഷ്ട്രപതി രാംനാഥ് കോവിന്ദ്, പ്രധാനമന്ത്രി നരേന്ദ്രമോദി എന്നിവരുടെ അനുശോചനവും നേരിട്ട് അറിയിച്ചു. പ്രസിഡന്റായി അവരോധിക്കപ്പെട്ടതില് ഷെയ്ഖ് മുഹമ്മദ് ബിന് സായിദ് അല് നഹ്യാനെ അനുമോദിച്ചു.
യുഎഇയിലെ ഇന്ത്യന് സ്ഥാനപതി സഞ്ജയ് സുധീര്, വ്യവസായി എം.എ. യൂസഫലി എന്നിവരും ഉപരാഷ്ട്രപതിയെ സ്വീകരിക്കാനെത്തിയിരുന്നു.
