കൊച്ചി: പാലക്കാട് സഞ്ജിത്ത് വധവുമായി ബന്ധപ്പെട്ട കേസില്‍ കേരളാ ഹൈക്കോടതിയുടെ നിരീക്ഷണങ്ങളുടെ അടിസ്ഥാനത്തില്‍ പോപ്പുലര്‍ ഫ്രണ്ട്, എസ്ഡിപിഐ എന്നിവയെ നിരോധിക്കണമെന്ന് വിശ്വഹിന്ദു പരിഷത്ത് സംസ്ഥാന പ്രസിഡന്റ് വിജി തമ്പിയും ജനറല്‍ സെക്രട്ടറി വി.ആര്‍. രാജശേഖരനും ആവശ്യപ്പെട്ടു.
ഇത്തരം തീവ്രവാദ സംഘടനകളുടെ പ്രവര്‍ത്തനത്തെപ്പറ്റി വിശ്വഹിന്ദു പരിഷത്ത് പല തവണ സംസ്ഥാന സര്‍ക്കാരിന് മുന്നറിയിപ്പ് നല്‍കിയിട്ടുണ്ട്. കേരളത്തിനെ ഇസ്ലാമിക സ്റ്റേറ്റ് ആക്കുകയെന്ന ലക്ഷ്യത്തോടെ ഹിന്ദുക്കളെ ഉന്മൂലനം ചെയ്യാനാണ് ഇവയുടെ പ്രവര്‍ത്തനം. ഇത്തരം സംഘടനകളെ കൂട്ടുപിടിച്ചാണ് പല തദ്ദേശ സ്വയംഭരണ സ്ഥാപനങ്ങളും സിപിഎം ഭരിക്കുന്നത്.
ശബരിമല വിഷയത്തില്‍ അത്യുത്സാഹം കാണിച്ച് വിശ്വാസികള്‍ക്കെതിരെ ആയിരക്കണക്കിന് കേസുകള്‍ എടുത്ത സര്‍ക്കാര്‍ പൊതുവേദിയില്‍ പെണ്‍കുട്ടിയെ അവഹേളിച്ച സമസ്ത നേതാവിനെതിരെ ചെറുവിരലനക്കാന്‍ പോലും തയ്യാറാകുന്നില്ല, അവര്‍ ചൂണ്ടിക്കാട്ടി.
പ്രതികരിക്കാൻ ഇവിടെ എഴുതുക