തിരുവനന്തപുരം : പൊതുവേദിയില്‍ പെണ്‍കുട്ടിയെ വിളിച്ചുവരുത്തി അപമാനിച്ച വിഷയത്തില്‍ പ്രതികരിക്കാന്‍ തയ്യാറാകാതെ വിദ്യാഭ്യാസ മന്ത്രി വി. ശിവന്‍കുട്ടി. സമസ്ത വേദിയില്‍ പെണ്‍കുട്ടി അപമാനിക്കപ്പെട്ട സംഭവം വിവാദമാവുകയും സമൂഹ മാധ്യമങ്ങളില്‍ വിമര്‍ശനം ഉയരുകയും സിപിഐ ഉള്‍പ്പടെ ഇതിനെതിര രംഗത്ത് എത്തിയെങ്കിലും സിപിഎമ്മും സര്‍ക്കാരും ഇതുമായി ബന്ധപ്പെട്ട് പ്രതികരിക്കാന്‍ തയ്യാറായിരുന്നില്ല. വിഷയത്തില്‍ മാധ്യമ പ്രവര്‍ത്തകര്‍ മന്ത്രിയോട് ചോദ്യം ഉന്നയിച്ചെങ്കിലും ഒഴിഞ്ഞുമാറുകയായിരുന്നു.
വിഷയത്തില്‍ പ്രതികരിക്കേണ്ട സമയത്ത് പ്രതികരിക്കും. കേന്ദ്രമന്ത്രി പറയുന്നത് കൊണ്ട് ഇപ്പോള്‍ മിണ്ടണം എന്നില്ലെന്ന് പറഞ്ഞ് വിഷയത്തില്‍ നിന്നും മന്ത്രി ഒഴിഞ്ഞുമാറുകയായിരുന്നു. മലപ്പുറത്ത് മുന്‍ അധ്യാപകന് എതിരെ ഉയര്‍ന്ന മീ ടു ആരോപണം വിഷയം ശ്രദ്ധയില്‍പ്പെട്ടു. ബന്ധപ്പെട്ട ഡിഡിഇഓട് റിപ്പോര്‍ട്ട് തേടിയിട്ടുണ്ട്. റിപ്പോര്‍ട്ട് കിട്ടിയതിന് ശേഷം നടപടി എടുക്കുമെന്നും മന്ത്രി കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: