തിരുവനന്തപുരം : സംസ്ഥാനത്ത് അടുത്ത മണിക്കൂറുകളില് ആറ് ജില്ലകളില് ഒറ്റപ്പെട്ട മഴയ്ക്ക് സാധ്യത. തിരുവനന്തപുരം, എറണാകുളം, പാലക്കാട്, തൃശൂര്, മലപ്പുറം എന്നീ ജില്ലകളിലെ ഒറ്റപ്പെട്ട സ്ഥലങ്ങളിലാണ് മഴയ്ക്ക് സാധ്യതയെന്നാണ കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പില് പറയുന്നത്.
കോട്ടയം ജില്ലയുടെ കിഴക്കന് മേഖലയില് ബുധനാഴ്ച രാത്രി ശക്തമായ മഴ പെയ്തു. തീക്കോയി, പൂഞ്ഞാര്, തെക്കേക്കര പഞ്ചായത്ത് പരിധികളില് മീനച്ചിലാറ്റില് ജലനിരപ്പ് പലയിടത്തും ഇരുകരകള് കവിഞ്ഞു. ഈരാറ്റുപേട്ട ടൗണ് കോസ് വേ, കോളേജ് പാലം എന്നിവിടങ്ങളില് ജലനിരപ്പ് പാലം തൊട്ടു. പുലര്ച്ചെ 2 മണിയോടെ മഴയ്ക്ക് ശമനം ഉണ്ടായതെങ്കിലും നാശ നഷ്ടങ്ങളൊന്നും റിപ്പോര്ട്ട് ചെയ്തിട്ടില്ല.
അസാനി ചുഴലിക്കാറ്റിന്റെ പശ്ചാത്തലത്തില് ആന്ധ്രയുടെ തീരമേഖലയില് ശക്തമായ മഴ തുടങ്ങി. ഇതിനെ തുടര്ന്ന് വിശാഖപട്ടണം, വിജയവാഡ വിമാനത്താവളങ്ങളില് നിന്ന് കൂടുതല് സര്വ്വീസുകള് റദ്ദാക്കി. വിശാഖപട്ടണം വഴിയുള്ള നിരവധി ട്രെയിന് സര്വ്വീസുകള് തല്ക്കാലത്തേക്ക് വെട്ടിചുരുക്കിയിരിക്കുകയാണ്.
Â
Â
