മുംബൈ: ദേശതാത്പര്യത്തെക്കാള്‍ സ്വാര്‍ത്ഥ താത്പര്യത്തിന് താക്കറെ കുടുംബത്തിലെ പുതുതലമുറ മുന്‍തൂക്കം നല്‍കിയതിന്റെ ഫലമാണ് മഹാരാഷ്‌ട്ര ഇന്ന് നേരിടുന്ന ഭരണ പരാജയത്തിന് കാരണമെന്ന് കേന്ദ്ര ഹജ്ജ് കമ്മിറ്റി ചെയര്‍മാന്‍ എ.പി. അബ്ദുള്ളക്കുട്ടി. ബിജെപിന്യൂനപക്ഷ മോര്‍ച്ച മുംബൈയില്‍ നല്‍കിയ സ്വീകരണത്തില്‍ സംസാരിക്കുകയായിരുന്നു അദ്ദേഹം.
ലോകമെങ്ങുമുള്ള രാജ്യങ്ങള്‍ നരേന്ദ്ര മോദിയുടെ നേതൃത്വത്തില്‍ ഭാരതത്തില്‍ നടപ്പാക്കുന്ന വികസന പദ്ധതികളില്‍ മതിപ്പ് പ്രകടിപ്പിക്കുമ്പോള്‍ ചില ദേശദ്രോഹികള്‍ അതിനെ വിമര്‍ശിക്കുകയാണ്. കാലം ചെല്ലുമ്പോള്‍ ഇപ്പോള്‍ കേരള സര്‍ക്കാര്‍ ചെയ്തതുപോലെ മോദി സര്‍ക്കാരിന്റെ വികസനനേട്ടങ്ങളെ എതിര്‍ത്തവര്‍ പോലും പുകഴ്‌ത്തുമെന്നും അദ്ദേഹം പറഞ്ഞു.
പരിപാടിയില്‍ ന്യൂനപക്ഷ മോര്‍ച്ച ദേശീയ അധ്യക്ഷന്‍ ജമാല്‍ സിദ്ധിഖി, മഹാരാഷ്‌ട്ര മുന്‍മന്ത്രി ആശിഷ് ഷെലാര്‍ എംഎല്‍എ, ബിജെപി മുംബൈ അധ്യക്ഷന്‍ മംഗള്‍ പ്രഭാത് Â ലോഡ, ജനറല്‍ സെക്രട്ടറി സഞ്ജയ് ഉപാധ്യായ്, അബ്ദുല്‍ ഭല്‍ത്തല്‍ക്കര്‍ എംഎല്‍എ , ഹാജി അറാഫത് Â ഷെയ്ഖ് എന്നിവര്‍ സംസാരിച്ചു. ബിജെപി ജില്ലാ ജനറല്‍ സെക്രട്ടറി കെ.ബി. ഉത്തംകുമാര്‍ എ. പി. അബ്ദുള്ളക്കുട്ടിയെയും അദ്ദേഹത്തിന്റെ പ്രവര്‍ത്തനങ്ങളെയും സദസ്സിന് പരിചയപ്പെടുത്തി.
പ്രതികരിക്കാൻ ഇവിടെ എഴുതുക: