ആലപ്പുഴ : നൂറനാട് സിപിഐ- കോണ്ഗ്രസ് സംഘര്ഷവുമായി ബന്ധപ്പെട്ട് ബ്ലോക്ക് പഞ്ചായത്ത് പ്രസിഡന്റ് ഉള്പ്പടെ ഒമ്പത് പേര് കൂടി അറസ്റ്റില്. കോണ്ഗ്രസ് ഓഫീസ് ആക്രമിക്കുകയും തുടര്ന്ന് പോലീസിനേയും ആക്രമിച്ച കേസിലാണ് ഇവരെ അറസ്റ്റ് ചെയ്തിരിക്കുന്നത്. ഇതോടെ കേസില് 11 പേരാണ് അറസ്റ്റിലായിരിക്കുന്നത്.
ബ്ലോക്ക് പഞ്ചായത്ത് വൈസ് പ്രസിഡന്റ് സിനു ഖാനും എഐവൈഎഫിന്റെ രണ്ട് മണ്ഡലം സെക്രട്ടറിമാരും പ്രസിഡന്റുമാരും അറസ്റ്റിലായവരില് ഉള്പ്പെടും. എഐവൈഎഫ് ചാരുംമൂട് മണ്ഡലം സെക്രട്ടറി അനു ശിവന്, എഐവൈഎഫ് ചാരുംമൂട് മണ്ഡലം പ്രസിഡന്റ് അമ്പാടി, മാവേലിക്കര മണ്ഡലം സെക്രട്ടറി വിപിന്ദാസ്, മാവേലിക്കര മണ്ഡലം പ്രസിഡന്റ് അംജാദ്, ഷാനു മസുദ് അനുകരക്കാട്, മുരളികൃഷ്ണന്, അരുണ് കരിമുളയ്ക്കല് എന്നിവരാണ് അറസ്റ്റിലായിട്ടുള്ളവര്.
അതേസമയം കേസില് പബ്ലിക് പ്രോസിക്യൂട്ടറും സിപിഐ ജില്ലാ കൗണ്സില് അംഗവുമായ സോളമനെ കേസില് പ്രതി ചേര്ത്തിട്ടുണ്ടെങ്കിലും ഉടന് അറസ്റ്റ് ഉണ്ടായേക്കില്ല. ഓഫീസ് ആക്രമണത്തിന് സോളമന് പ്രേരണ നല്കിയെന്നും അക്രമത്തില് പങ്കെടുത്തെന്നുള്ള മൊഴിയുടെ അടിസ്ഥാനത്തിലാണ് പ്രതി ചേര്ത്തിരിക്കുന്നത്.
Â
Â
