വര്ക്കല: ശിവഗിരി ബ്രഹ്മവിദ്യാലയം കനകജൂബിലിയുടെയും തീര്ഥാടന നവതിയുടെയും ഒരുവര്ഷം നീണ്ടുനില്ക്കുന്ന ആഘോഷ പരിപാടികളുടെ ആഗോളതല ഉദ്ഘാടനം ദല്ഹിയില് നാളെ രാവിലെ 10ന് പ്രധാനമന്ത്രി നരേന്ദ്രമോദി നിര്വഹിക്കും. ശ്രീനാരായണ ധര്മസംഘം ട്രസ്റ്റ് പ്രസിഡന്റ് സച്ചിദാനന്ദസ്വാമി അധ്യക്ഷത വഹിക്കും.
സമ്മേളനത്തില് ധര്മസംഘം ട്രസ്റ്റ് ജനറല്സെക്രട്ടറി സ്വാമി ഋതംഭരാനന്ദ, ട്രഷറര് സ്വാമി ശാരദാനന്ദ, തീര്ഥാടന നവതി ആഘോഷ കമ്മറ്റി സെക്രട്ടറി സ്വാമി ഗുരുപ്രസാദ്, ബ്രഹ്മവിദ്യാലയ കനകജൂബിലി ആഘോഷ കമ്മറ്റി സെക്രട്ടറി സ്വാമി വിശാലാനന്ദ, ട്രസ്റ്റ് ബോര്ഡ് അംഗം സ്വാമി ബോധിതീര്ഥ, ആലുവ അദ്വൈതാശ്രമം സെക്രട്ടറി സ്വാമി ധര്മചൈതന്യ, സ്വാമി നിവേദനാനന്ദ എന്നിവരും വിവിധ ആഘോഷ കമ്മറ്റികളുടെ ആഗോളതല ഭാരവാഹികളും പങ്കെടുക്കും.
