തിരുവനന്തപുരം: ആലപ്പുഴ ജില്ലാ കലക്ടര് ഡോ. രേണു രാജും ആരോഗ്യവകുപ്പ് ജോയിന്റ് സെക്രട്ടറിയും കേരള മെഡിക്കല് സര്വീസ് കോര്പ്പറേഷന് എംഡിയുമായ ഡോ. ശ്രീറാം വെങ്കിട്ടരാമനും വിവാഹിതരാകുന്നു. അടുത്ത ഞായറാഴ്ചയാണ് വിവാഹമെന്നാണ് വിവരം.
എംബിബിഎസ് ബിരുദം പൂര്ത്തിയാക്കിയ ശേഷമാണ് ഇരുവരും സിവില് സര്വീലെത്തുന്നത്. വിവാഹം കഴിക്കാനുള്ള തീരുമാനം ഐഎഎസ് സുഹൃത്തുക്കളെ വാട്സാപ്പിലൂടെയാണ് രണ്ടുപേരും അറിയിച്ചത്. 2012ല് രണ്ടാം റാങ്കോടെയാണ് ശ്രീറാം സിവില് സര്വീസ് പരീക്ഷ പാസായത്. പിന്നീട് ദേവികുളം സബ് കലക്ടറായി പ്രവര്ത്തിച്ചു.
ശ്രീറാമിന്റെ ആദ്യ വിവാഹവും രേണുവിന്റെ രണ്ടാം വിവാഹവുമാണിത്.സഹപാഠിയായ ഡോക്ടറുമായുള്ള വിവാഹബന്ധം രേണുരാജ് നേരത്തെ വേര്പിരിഞ്ഞിരുന്നു. അടുത്ത സുഹൃത്തുക്കളെ വിവാഹ വാര്ത്ത അറിയിച്ചെങ്കിലും ചടങ്ങിലേക്ക് ആര്ക്കും ക്ഷണമില്ല. അടുത്ത ബന്ധുക്കളും സുഹൃത്തുക്കളും മാത്രം പങ്കെടുക്കുന്ന സ്വകാര്യ ചടങ്ങായിരിക്കും വിവാഹം. സഹപ്രവര്ത്തകര്ക്കായി വിവാഹ സല്ക്കാരം പിന്നീട് നടത്തുമെന്നാണ് അറിയുന്നത്.
