ചൂടുകാലത്ത് എല്ലാവരും ഏറ്റവും കൂടുതല് ഭയക്കുന്നത് സ്കിന് ടാന് അഥവ വെയില് കൊളളുമ്പോള് തൊലിയുടെ പുറത്ത് ഉണ്ടാകുന്ന കറുപ്പ്. ഇത് മാറുന്നതിനായി പലരും പല പരീക്ഷണങ്ങളും നടത്താറുണ്ട്.എന്നാല് നമ്മുടെ വീട്ടില് തന്നെയുളള പല സാധനങ്ങള് കൊണ്ട് സ്കിന് ടാന് മാറ്റവുന്നതാണ്.അതില് ഒന്നാണ് ഓറഞ്ചും ,തേനും.ഓറഞ്ച് നീരും, തേനും, മഞ്ഞള് പൊടിയും ഒന്നിച്ച് ചേര്ത്ത് കുഴച്ചെടുക്കുക.ഇത് സ്കിന് ടാന് ഉളള സ്ഥലങ്ങളില് പുരട്ടുക, പത്ത് മിനിറ്റിന് ശേഷം തുടച്ചു നീക്കുക.ഓറഞ്ച് നീരില് അടങ്ങിയ ഹെസ്പെരിഡിന് എന്ന ബയോ ആക്ടിവ് സംയുക്തം തൊലിപ്പുറത്തുണ്ടാകുന്നു കറുപ്പിനെ ഇല്ലാതാക്കും,മഞ്ഞളിലും തേനിലും അടങ്ങിയിരിക്കുന്ന ആന്റി ഓക്സിഡന്റും ശരീരത്തില് അടിഞ്ഞുകൂടിയിരിക്കുന്ന രാസവസ്തുക്കളെ പുറത്തുകളയുകയും ത്വക്കിന് നിറം വര്ദ്ധിപ്പിക്കുകയും ചെയ്യുന്നു.രണ്ടാമതായി കുക്കുമ്പറും, തേനും, കറ്റാര് വാഴയുടെ ജെല്ലും. കുക്കുമ്പര് നന്നായി അരച്ചെടുക്കുക, അതില് തേനും, കറ്റാര് വാഴയും ചേര്ക്കുക.ഇത് കറുപ്പ് ഉളള ഭാഗങ്ങളില് പുരട്ടി 20 മിനിറ്റിന് ശേഷം കഴുകുക.മൂന്നാമതായി ഉരുളക്കിഴങ്ങും നാരങ്ങനീരും ഉപയോഗിച്ചുളളതാണ്. ഉരുളക്കിഴങ്ങ് നന്നായി അരച്ചെടുക്കുക അതില് നാരങ്ങനീര് ചേര്ക്കുക.ഈ മിശ്രിതം കറുപ്പ് പടര്ന്ന ഭാഗങ്ങളില് പുരട്ടുക.നാലമതായി പാലും, കുങ്കുമപ്പൂവും ചേര്ത്തുളളതാണ്. പാല് കുങ്കുമപ്പൂവ് രണ്ട് മണിക്കൂര് കുതിര്ത്തുവെക്കുക.ഇത് കറുപ്പ് ഉളള ഭാഗങ്ങളില് പുരട്ടുക.15-20 മിനിറ്റിനുളളില് കഴുകിക്കളയാം.ഇവ എല്ലാം ആഴ്ചയില് രണ്ട് പ്രവശ്യമെങ്കിലും ചെയ്തിരിക്കണം.
