ന്യൂദൽഹി: കൊവിഡും ലോക്ക്ഡൗണും സൃഷ്‌ടിച്ച പ്രതിസന്ധിയിൽ നിന്ന് കരകയറി ഇന്ത്യയിൽ നിന്നുള്ള ബസുമതി ഇതര അരി കയറ്റുമതിയുടെ മുന്നേറ്റം. 2013-14 സാമ്പത്തിക വര്‍ഷത്തിലെ 2925 ദശലക്ഷം ഡോളറില്‍ നിന്ന് 2021-22 സാമ്പത്തിക വര്‍ഷത്തില്‍ 6115 ദശലക്ഷം ഡോളറായി 109% വളര്‍ച്ച കൈവരിച്ചു. ഡിജിസിഐഎസ് കണക്ക് അനുസരിച്ച്, 2021-22 ല്‍ ഇന്ത്യ ലോകമെമ്പാടുമുള്ള 150ലധികം രാജ്യങ്ങളിലേക്ക് അരി കയറ്റുമതി ചെയ്തു.
ഡിജിസിഐഎസ് കണക്കുകള്‍ പ്രകാരം, 2019-20ല്‍ 2015 ദശലക്ഷം ഡോളറിന്റെ ബസുമതി ഇതര അരി ഇന്ത്യ കയറ്റുമതി ചെയ്തിരുന്നു. ഇത് 2020-21ല്‍ 4799 ദശലക്ഷം ഡോളറായി ഉയര്‍ന്നു. 2021-22ല്‍ 27% വളര്‍ച്ച രേഖപ്പെടുത്തിക്കൊണ്ട് , ബസുമതി ഇതര അരിയുടെ കയറ്റുമതി എല്ലാ കാര്‍ഷികോല്‍പ്പന്നങ്ങളിലും ഏറ്റവും കൂടുതല്‍ വിദേശ നാണ്യ വരുമാനം നേടി( 6115 ദശലക്ഷം ഡോളര്‍).
കഴിഞ്ഞ രണ്ട് വര്‍ഷങ്ങളില്‍ തുറമുഖങ്ങളിലെ അടിസ്ഥാന സൗകര്യങ്ങള്‍ വികസിപ്പിക്കുന്നതിലും മൂല്യ ശൃംഖലയുടെ വികസനത്തിനും അരി കയറ്റുമതിക്കായി പുതിയ രാജ്യങ്ങളില്‍ അവസരങ്ങള്‍ കണ്ടെത്താനുള്ള ഇന്ത്യയുടെ ശ്രമങ്ങളും, അരി കയറ്റുമതിയില്‍ വന്‍ കുതിച്ചുചാട്ടത്തിന് കാരണമായി.
2021-22 ലെ രണ്ടാമത് അഡ്വാന്‍സ് എസ്റ്റിമേറ്റ് പ്രകാരം, 2021-22 ലെ അരിയുടെ മൊത്തം ഉല്‍പ്പാദനം 127.93 ദശലക്ഷം ടണ്ണായി കണക്കാക്കപ്പെടുന്നു. ഇത് കഴിഞ്ഞ അഞ്ച് വര്‍ഷത്തെ ശരാശരി ഉല്‍പ്പാദനമായ 116.44 ദശലക്ഷം ടണ്ണിനേക്കാള്‍ 11.49 ദശലക്ഷം ടണ്‍ കൂടുതലാണ്. ചൈന കഴിഞ്ഞാല്‍ ലോകത്തിലെ ഏറ്റവും വലിയ അരി ഉത്പാദക രാജ്യമാണ് ഇന്ത്യ.
പ്രതികരിക്കാൻ ഇവിടെ എഴുതുക: