തിരുവനന്തപുരം :സംസ്ഥാനത്ത് ചില സ്ഥലങ്ങളില് ശക്തമായ മഴയ്ക് സാധ്യത. ഉച്ചയോട് കൂടി മഴ ശക്തമാകും എന്നാണ് കാലാവസ്ഥാ നിരീക്ഷണ കേന്ദ്രത്തിന്റെ അറിയിപ്പ്. പത്തനംതിട്ട, ആലപ്പുഴ, കോട്ടയം, ഇടുക്കി എന്നീ നാല് ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്.
ബുധന്, വ്യാഴം എന്നീ ദിവസങ്ങളില് കൂടുതല് മഴയ്ക്ക് സാധ്യതയുള്ളതായി നിര്ദ്ദേശം നല്കിയിട്ടുണ്ട്. മഴയ്ക്കൊപ്പം ഇടിമിന്നലിനും 40 കിലോമീറ്റര് വരെ വഗതയില് കാറ്റിനും സാധ്യതയുണ്ട്. തെക്കന് കേരളത്തിലും മധ്യകേരളത്തിലുമായിരിക്കും കൂടുതല് മഴ. മത്സ്യബന്ധനത്തിനുള്ള വിലക്ക് തുടരുകയാണ്.
തെക്ക് പടിഞ്ഞാറന് ബംഗാള് ഉള്ക്കടലിലെ ചക്രവാതച്ചുഴിയാണ് നിലവിലെ മഴയ്ക്ക് കാരണം. ഇതിന്റെ സ്വാധീനഫലമായി കാറ്റ് മഴയ്ക്ക് അനുകൂലമാകും. വേനല് മഴയില് ആലപ്പുഴ ജില്ലയില് ഇതുവരെ 28 കോടിയുടെ കൃഷി നാശം ഉണ്ടായി. 1500 ഹെക്ടര്ലെ നെല് കൃഷി നശിച്ചു. മഴ തുടര്ന്നാല് കനത്ത നഷ്ടം നേരിടേണ്ടി വരുമെന്ന ആശങ്കയില് ആണ് കര്ഷകര്. കേരളത്തില് കോഴിക്കോട്, കണ്ണൂര് എന്നീ ജില്ലകളില് ഒറ്റപ്പെട്ടയിടങ്ങളില് മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
