മാര്ത്താണ്ഡം: ഒന്നരവയസ്സുള്ള മകന് പായസത്തില് വിഷം കൊടുത്ത് കൊലപ്പെടുത്തി മാതാവ്. തമിഴ്നാട്ടിലെ കന്യകുമാരി ജില്ലയിലെ കുളക്കച്ചിയിലാണ് സംഭവം. കുളക്കച്ചി സ്വദേശി ജഗദീഷിന്റെ ഭാര്യ കാര്ത്തിക(33)യാണ് മകന് ശരണിനെ കൊലപ്പെടുത്തിയത്.
നാലും ഒന്നരയും വയസുള്ള രണ്ട് കുട്ടികളുടെ അമ്മയാണ് യുവതി. കാമുകനുമായുള്ള ബന്ധത്തിന് മക്കള് തടസ്സമാണെന്ന് കണ്ടതോടെ യുവതി മക്കള്ക്ക് പായസത്തില് വിഷം കലര്ത്തി നല്കുകയായിരുന്നു. വീടിനു മുന്നില് കളിച്ചുകൊണ്ടിരുന്ന മകന് പെട്ടന്ന് അബോധാവസ്ഥയിലായതായി കാര്ത്തിക ഭര്ത്താവ് ജഗദീഷിനു വിവരം നല്കി. തുടര്ന്ന് മക്കളെ ആശുപത്രിയില് എത്തിച്ചെങ്കിലും ഇളയമകന്റെ ജീവന് രക്ഷിക്കാന് സാധിച്ചില്ല.
അയല്വാസികള്ക്ക് സംശയം തോന്നി പോലീസില് അറിയിക്കുകയായിരുന്നു. തുടര്ന്നുള്ള അന്വേഷണത്തിലാണ് കൊലപാതകമെന്ന് തെളിഞ്ഞത്. കാര്ത്തികയേയും കാമുകന് സുനിലിനെയും പോലീസ് കസ്റ്റഡിയില് എടുത്തിട്ടുണ്ട്.
