ന്യൂദല്ഹി: രാജ്യത്ത് ചികിത്സയില് ഉള്ളവരുടെ എണ്ണം തുടര്ച്ചയായി താഴോട്ട് വരുന്ന പ്രവണതയെ തുടര്ന്ന്, ഇന്ന് (14,704) ഇന്ത്യയിലെ സജീവ കേസുകള് 707 ദിവസത്തിന് ശേഷം 15,000 ത്തില് താഴെയായി കുറഞ്ഞു. ചികിത്സയിലുള്ളത് രാജ്യത്തെ ആകെ രോഗബാധിതരുടെ 0.03% ശതമാനമാണ്. 2020 ഏപ്രില് 21ലെ സജീവ കേസുകളുടെ എണ്ണം 14,759 ആയിരുന്നു.
കഴിഞ്ഞ 24 മണിക്കൂറില് പുതുതായി രോഗം സ്ഥിരീകരിച്ചത് 1,233 പേര്ക്കാണ്. കഴിഞ്ഞ 24 മണിക്കൂറിനുള്ളില് 1,876 പേര് സുഖം പ്രാപിച്ചതോടെ രാജ്യത്താകെ ഇതുവരെ കോവിഡ് മുക്തരായവരുടെ എണ്ണം 4,24,87,410 ആയി. ദേശീയ രോഗമുക്തി നിരക്ക് 98.75%. കഴിഞ്ഞ 24 മണിക്കൂറില് 6,24,022 പരിശോധനകള് നടത്തി.78.85 കോടിയില് അധികം (78,85,56,935) പരിശോധനകളാണ് ഇതുവരെ നടത്തിയത്.
പ്രതിവാര രോഗസ്ഥിരീകരണ നിരക്ക് നിലവില് 0.25 ശതമാനമാണ്. പ്രതിദിന രോഗസ്ഥിരീകരണ നിരക്ക് 0.20 ശതമാനമാണ്. ഇന്ന് രാവിലെ ഏഴ് മണി വരെയുള്ള താത്കാലിക കണക്ക് പ്രകാരം, രാജ്യത്തിതുവരെ നല്കിയ ആകെ വാക്സിനുകളുടെ എണ്ണം 183.82 കോടി (1,83,82,41,743) കടന്നു. 2,19,19,610 സെഷനുകളിലൂടെയാണ് ഇത്രയും ഡോസ് വാക്സിന് നല്കിയത്. 12 മുതല് 14 വയസ്സ് പ്രായമുള്ളവര്ക്കുള്ള കോവിഡ് പ്രതിരോധ കുത്തിവയ്പ്പ് 2022 മാര്ച്ച് 16 മുതല് ആരംഭിച്ചു. ഇതുവരെ1. 50 കോടിയിലധികം (1,50,55,291) കൗമാരക്കാര്ക്ക് ആദ്യ ഡോസ് വാക്സിന് നല്കി കഴിഞ്ഞു.
