വെല്ലിങ്ടണ്: വനിതാ ലോകകപ്പില് സെമിഫൈനല് ഉറപ്പിച്ച് ഇംഗ്ലണ്ട്. നിര്ണായക മത്സരത്തില് ബംഗ്ലാദേശിനെ തോല്പ്പിച്ചത് നൂറ് റണ്സിന്. ഇംഗ്ലണ്ട് താരങ്ങളുടെ മികച്ച ബൗളിങ് പ്രകടനമാണ് വിജയം നല്കിയത്.
ആദ്യം ബാറ്റ് ചെയ്ത ഇംഗ്ലണ്ട് ആറ് വിക്കറ്റ് നഷ്ടത്തില് 234 റണ്സ് എടുത്തു. സോഫിയ ഡങ്ക്ളി, നാറ്റ് സീവര് എന്നിവരുടെ ബാറ്റിങ് മികവ് ഇംഗ്ലണ്ടിന് കരുത്തായി. ടാമി ബീമൗണ്ട് (33), നാറ്റ് സീവര് (40), എമി ജോണ്സ് (31), സോഫിയ ഡങ്ക്ളി (67) എന്നിവര് മികച്ച പ്രകടനം നടത്തി. റണ്സ് നേടി. വാലറ്റത്ത് കാതറിന് ബ്രണ്ട് (24), സോഫി എക്കിള്സ്റ്റണ് (17) എന്നിവര് പൊരുതി. ബംഗ്ലാദേശിനായി സല്മ ഖാട്ടുന് രണ്ട് വിക്കറ്റ് വീഴ്ത്തി.
മറുപടി ബാറ്റിങ്ങിനിറങ്ങിയ ബംഗ്ലാദേശിന് മികച്ച തുടക്കമാണ് ലഭിച്ചത്. എന്നാല് വലിയ സ്കോര് നേടാനാകാതെ പുറത്തായി. ശമീമ സുല്ത്താന (23), ഷര്മിന് അഖ്തര് (23), നിഗാര് സുല്ത്താന (22) ലത മൊണ്ടല് (30) എന്നിവര് പൊരുതി. എന്നാല് വാലറ്റത്ത് ആര്ക്കും റണ്സ് കണ്ടെത്താനായില്ല. ഇംഗ്ലണ്ടിനായി സോഫി എക്കിള്സ്റ്റണ്, ചാര്ലി ഡീന് എന്നിവര് മൂന്ന് വിക്കറ്റ് വീതം വീഴ്ത്തി.
