ചെന്നൈ: പ്രായപൂര്ത്തിയാകാത്ത 17 വയസുകാരനായ പ്ലസ് വണ് വിദ്യാര്ത്ഥിയെ വിവാഹം കഴിച്ച അദ്ധ്യാപിക അറസ്റ്റില്. പോക്സോ നിയമപ്രകാരമാണ് അദ്ധ്യാപികയെ അറസ്റ്റ് ചെയ്തത്. തിരുച്ചിറപ്പള്ളിയിലെ സ്വകാര്യ സ്കൂളിലെ അധ്യാപികയാണ് അറസ്റ്റിലായത്.
ഈ മാസം അഞ്ചാം തീയതി മുതല് ഇരുവരെയും കാണാനില്ലാത്തതിനെത്തുടന്ന് കുട്ടിയുടെ രക്ഷിതാക്കള് പൊലീസില് പരാതി നല്കി. തുടര്ന്ന് നടത്തിയ അന്വേഷണത്തില് കുട്ടിയെ കാണാതായ അതേദിവസംമുതല് സ്കൂളിലെ ഒരു അധ്യാപികയേയും കാണാതായതായി വിവരം ലഭിച്ചു. പിന്നീട് കുട്ടിയും അദ്ധ്യാപികയും തമ്മില് പ്രണയത്തിലായിരുന്നുവെന്ന് പൊലീസ് കണ്ടെത്തി. അദ്ധ്യാപികയെ പോലീസ് കസ്റ്റഡിയില് റിമാന്ഡ് ചെയ്തു. വിദ്യാര്ത്ഥിയെ ജുവനൈല് ഹോമിലേക്കു മാറ്റിയിട്ടുണ്ട്. തഞ്ചാവൂരിലുള്ള ക്ഷേത്രത്തില് വച്ചാണ് ഇരുവരും വിവാഹിതരായത്.
