ആലപ്പുഴയിൽ പ്രഭാത സവാരിക്ക് ഇറങ്ങിയ 4 പേരെ ടിപ്പർ ലോറിയിടിച്ചു, മൂന്നു പേർ മരിച്ചു, ഒരാളുടെ നില ഗുരുതരം

ആലപ്പുഴ: നൂറനാട് പണയിൽ പ്രഭാത സവാരിക്ക് ഇറങ്ങിയവരെ ടിപ്പർ ലോറിയിടിച്ച് മൂന്ന് പേർ മരിച്ചു. വി.എം രാജു മാത്യു (66), വിക്രമൻ നായർ (65), രാമചന്ദ്രൻ നായർ ( സ്വപ്ന ഏജൻസീസ്, നൂറനാട് ) എന്നിവരാണ് മരിച്ചത്.  ഗുരുതരമായി പരിക്കേറ്റ രാജശേഖരൻ നായരെ തിരുവല്ലയിലെ സ്വകാര്യ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുയാണ്. ടോറസ് ലോറിയാണ് ഇവരെ ഇടിച്ചതെന്നാണ് ദൃക്സാക്ഷികൾ പറയുന്നത്.  

നൂറനാട് പണയിൽ പാലമുക്കിലെ വളവിൽ വച്ചായിരുന്നു അപകടം. വാഹനം നാലുപേരുടെയും മുകളിലേക്ക് പാഞ്ഞുകയറുകയായിരുന്നു. ഇടിച്ച ശേഷം വാഹനം നിർത്താതെ പോയി. സിസിടിവി ദൃശ്യങ്ങൾ പരിശോധിച്ച് വാഹനം തിരിച്ചറിഞ്ഞിട്ടുണ്ടെന്ന് പോലീസ് പറഞ്ഞു. അമിത വേഗതയാണ് അപകടത്തിന് കാരണമെന്നാണ് പ്രാഥമിക നിഗമനം.  

പരിക്കേറ്റ് ആശുപത്രിയിൽ ചികിത്സയിൽ ഉള്ളയാളുടെയും നില ഗുരുതരമാണ്.