തിരുവനന്തപുരം: ഭിന്ന ശേഷിയുള്ളവരുടെ അവകാശങ്ങളെ സംബന്ധിച്ച നിവേദനം കേരള സംസ്ഥാന ഭിന്നശേഷി കമ്മിഷണര്‍ എസ്.എച്ച്. പഞ്ചാപ കേശന് സക്ഷമ സംസ്ഥാന അധ്യക്ഷന്‍ ഡോ. എന്‍.ആര്‍. മേനോന്‍ സമര്‍പ്പിച്ചു.
പെന്‍ഷന്‍ തുക 3000 രൂപയാക്കുക, ആനുകൂല്യങ്ങള്‍ക്കുള്ള വരുമാന പരിധിയുടെ കാര്യത്തില്‍ പ്രത്യേക പരിഗണന നല്‍കി പരിധി ഇരട്ടിയാക്കുക, ഭരണകേന്ദ്രങ്ങളിലും പൊതു ഇടങ്ങളിലും ദിവ്യാംഗ സഹായ കേന്ദ്രങ്ങള്‍ തുടങ്ങുക, വിമാനത്താവളങ്ങളും റെയില്‍വേ സ്റ്റേഷനുകളും ബസ് സ്റ്റാന്‍ഡുകളും മറ്റു പൊതു സ്ഥാപനങ്ങളും ദിവ്യാംഗ സൗഹൃദ കേന്ദ്രങ്ങളാക്കാനുള്ള പ്രക്രിയ പൂര്‍ത്തീകരിക്കുക തുടങ്ങിയ ആവശ്യങ്ങളടങ്ങിയ നിവേദനമാണ് സമര്‍പ്പിച്ചത്.
സക്ഷമ സംസ്ഥാന സംഘടനാ കാര്യദര്‍ശി, പ്രദീപ് കുമാര്‍. വി.വി, സഹ സംഘടനാ കാര്യദര്‍ശി പി. സുഭാഷ്, സംസ്ഥാന സമിതി അംഗം പി.സുന്ദരം, കെ.ആര്‍. രഘുനാഥന്‍ നായര്‍, എം. സന്തോഷ്, ഓഫീസ് സെക്രട്ടറി ഹരീഷ്, തിരുവനന്തപുരം ജില്ലാ സെക്രട്ടറി സുരേഷ് കുമാര്‍ എന്നിവരും സന്നിഹിതരായിരുന്നു.
പ്രതികരിക്കാൻ ഇവിടെ എഴുതുക: