ന്യൂദല്ഹി : കേരളം ഉള്പ്പടെ ആറ് സംസ്ഥാനങ്ങളിലെ രാജ്യസഭാ സീറ്റുകളിലേക്ക് തെരഞ്ഞെടുപ്പ് നടത്തുന്നതിനുള്ള തിയതി പ്രഖ്യാപിച്ചു. മാര്ച്ച് 31-നാണ് തെരഞ്ഞെടുപ്പ്. കേരളത്തില് മൂന്ന് സീറ്റുകളിലേക്കാണ് തെരഞ്ഞെടുപ്പ്.
എ.കെ.ആന്റണി, എം.വി. ശ്രേയാംസ് കുമാര്, കെ. സോമപ്രസാദ് എന്നിവരുടെ കാലാവധി അവസാനിക്കുന്നതിനെ തുടര്ന്നാണ് തെരഞ്ഞെടുപ്പ് നടത്താന് ഒരുങ്ങുന്നത്. ഏപ്രില് രണ്ടിനാണ് ഇവരുടെ കാലാവധി തീരുന്നത്. കേരളം കൂടാതെ അഞ്ച് സംസ്ഥാനങ്ങളിലായി ഒഴിവ് വരുന്ന 10 രാജ്യസഭാ സീറ്റുകളിലേക്കും ഇതോടൊപ്പം നടത്തുന്നുണ്ട്.
നാമനിര്ദ്ദേശ പത്രിക സമര്പ്പിക്കാനുള്ള അവസാന തീയതി മാര്ച്ച് 21 ആണ്. 22-ന് സൂക്ഷ്മ പരിശോധന നടക്കും. മാര്ച്ച് 31-ന് രാവിലെ 9 മണി മുതല് നാല് മണി വരെയാണ് വോട്ടെടുപ്പ് നടക്കുക. വൈകുന്നേരം 5 മണിക്ക് വോട്ടെണ്ണല് നടക്കും. ഇതുമായി ബന്ധപ്പെട്ട വിജ്ഞാപനം മാര്ച്ച് 14-ന് തെരഞ്ഞെടുപ്പ് കമ്മിഷന് പുറത്തിറങ്ങും.
