ലണ്ടന്: ലിവര്പൂളിന് ലീഗ് കപ്പ് കിരീടം. പെനാല്റ്റി ഷൂട്ടൗട്ടില് വിധിയെഴുതിയ കലാശക്കളിയില് ലിവര്പൂള് പത്തിനെതിരെ പതിനൊന്ന് ഗോളുകള്ക്ക് ചെല്സിയെ പരാജയപ്പെടുത്തി. ഒരു ദശാബ്ദ്ത്തിനുശേഷമാണ് ലിവര്പൂള് ലീഗ് കപ്പ് ഫൈനലില് വിജയിക്കുന്നത്.
ആദ്യത്തെ പത്ത് പെനാല്റ്റികളും ഇരു ടീമുകളും ഗോളാക്കി. പതിനൊന്നാത്തെ സ്പോട്ട് കിക്കെടുത്ത ലിവര്പൂള് ഗോളി കോയിന്ഹിം കെല്ലെഹര് ലക്ഷ്യം കണ്ടു. അതേസമയം, ചെല്സിയുടെ പതിനൊന്നാം കിക്കെടുത്ത ഗോളി കെപ അരിസബലഗയ്ക്ക് ഗോള് നേടാനായില്ല.
നിശ്ചിത സമയത്തും എക്സ്ട്രാ ടൈമിലും ലിവര്പൂളും ചെല്സിയും ഗോള് രഹിത സമനില പാലിച്ചതിനെ തുടര്ന്നാണ് പെനാല്റ്റി ഷൂട്ടൗട്ടില് ജേതാക്കളെ നിശ്ചയിച്ചത്. 2012 ലാണ് ലിവര്പൂള് അവസാനമായി ലീഗ് കപ്പ്് ഫൈനലില് വിജയിച്ചത്. കെന്നി ഡാല്ഗ്ലീഷിന്റെ കീഴിലാണ് അന്ന് കിരീടം ചൂടിയത്. ക്ലോപ്പിന്റെ കീഴില് ലിവര്പൂള് 2019 ല് ചാമ്പ്യന്സ് ലീഗ് കിരീടവും 2020 ല് പ്രീമിയര് ലീഗ് കിരീടവും സ്വന്തമാക്കി.
