കൊച്ചി: ഇടപ്പള്ളിയിലെ ലുലു മാളിന് ഉപഭോക്താക്കളില്‍ നിന്ന് പാര്‍ക്കിംഗ് ഫീസ് ഈടാക്കാന്‍ അനുവദിച്ച ലൈസന്‍സ് ഹാജരാക്കാന്‍ കളമശ്ശേരി നഗരസഭയോട് കേരള ഹൈക്കോടതി നിര്‍ദ്ദേശിച്ചു. ലുലു മാള്‍ അനധികൃത പാര്‍ക്കിങ്ങ് ഫീസ് പിരിക്കുകയാണന്നും നടപടി വേണമെന്നും ആവശ്യപ്പെട്ട് ബോസ്‌കോ ലൂയിസ്, പോളി വടക്കന്‍ എന്നിവര്‍ സമര്‍പ്പിച്ച ഹര്‍ജികള്‍ പരിഗണിക്കവേയാണ് ജസ്റ്റീസ് പി.വി. കുഞ്ഞികൃഷ്ണന്‍ ഇക്കാര്യം നിര്‍ദേശിച്ചത്.
1994ലെ കേരള മുനിസിപ്പാലിറ്റി ആക്ട് സെക്ഷന്‍ 475 പ്രകാരം മാളുകളുടെ ഉടമകള്‍ക്ക് പാര്‍ക്കിംഗ് ഫീസ് ഈടാക്കാന്‍ ഹൈക്കോടതി അനുമതി നല്‍കിയിട്ടുണ്ടെന്ന് മുനിസിപ്പാലിറ്റിയുടെ അഭിഭാഷകന്‍ വാദിച്ചു. ലുലു നല്‍കുന്ന സേവനങ്ങള്‍ക്ക് മുനിസിപ്പാലിറ്റി ലൈസന്‍സ് നല്‍കിയിരുന്നു. കേരള മുനിസിപ്പാലിറ്റി ആക്ടിലെ സെക്ഷന്‍ 447 പ്രകാരം ലൈസന്‍സ് നല്‍കുന്നതിനുള്ള പൊതു വ്യവസ്ഥ അഭ്യര്‍ത്ഥിച്ചുകൊണ്ട് പേ ആന്‍ഡ് പാര്‍ക്ക് സേവനം ഉള്‍പ്പെടെയുള്ള മാള്‍. പാര്‍ക്കിംഗ് ഏരിയ കെട്ടിടത്തിന്റെ ഭാഗമാണെന്നും നിയമത്തില്‍ ആവശ്യമായ പാര്‍ക്കിംഗ് സ്ഥലങ്ങള്‍ നല്‍കാതെ പെര്‍മിറ്റ് നല്‍കില്ലെന്നും നഗരസഭ അറിയിച്ചു. എല്ലാ ആവശ്യങ്ങളും തൃപ്തിപ്പെടുത്തിയാണ് ലുലു മാളിന് പെര്‍മിറ്റ് നല്‍കിയത്.
കേരള മുനിസിപ്പാലിറ്റി ബില്‍ഡിംഗ് റൂള്‍സ്, 1999 ലെ റൂള്‍ 20 അനുസരിച്ച്, പാര്‍ക്കിംഗ്, ലോഡിംഗ്, അണ്‍ലോഡിംഗ് സ്ഥലങ്ങള്‍, ഏരിയകള്‍ എന്നിവയുടെ എണ്ണം സംബന്ധിച്ച വിശദാംശങ്ങള്‍ നല്‍കേണ്ടത് ഉടമയുടെയും ഡെവലപ്പറുടെയും കടമയാണെന്നും മുനിസിപ്പാലിറ്റി വ്യക്തമാക്കി.
പ്രതികരിക്കാൻ ഇവിടെ എഴുതുക: