കൊച്ചി: കേരള പ്രീമിയര്‍ ലീഗില്‍ കെഎസ്ഇബിക്ക് തകര്‍പ്പന്‍ ജയം. മഹാരാജാസ് കോളജ് ഗ്രൗണ്ടില്‍ നടന്ന ബി ഗ്രൂപ്പ് മത്സരത്തില്‍ കോതമംഗലം എംഎ ഫുട്ബോള്‍ അക്കാദമിയെ ഒന്നിനെതിരെ ഏഴ് ഗോളുകള്‍ക്ക് തകര്‍ത്തുവിട്ടു. ഹാട്രിക് നേടിയ വിഗ്‌നേഷ് കളിയിലെ താരമായി. ജിജോ ജോസഫ് ഇരട്ടഗോള്‍ നേടി. മുഹമ്മദ് പാറോക്കോട്ടില്‍, ജോണ്‍ പോള്‍ ജോസ് എന്നിവര്‍ ഓരോ ഗോള്‍ നേടി.
എംഎ ഫുട്ബോള്‍ അക്കാദമിക്കായി നവീന്‍ എം രഘുവാണ് ഗോള്‍ നേടിയത്. തൃശൂരിലെ കോര്‍പറേഷന്‍ ഗ്രൗണ്ട് ഗ്രൗണ്ട് ലഭ്യമാവാത്തതിനാല്‍ ഇന്നലെ എ ഗ്രൂപ്പിലെ എഫ്സി കേരള-പറപ്പൂര്‍ എഫ്സി മത്സരം നടന്നില്ല. മത്സരം മറ്റൊരു ദിവസം നടത്തുമെന്ന് കെഎഫ്എ അറിയിച്ചു.
പ്രതികരിക്കാൻ ഇവിടെ എഴുതുക: