ലഖ്നൗ: ഉത്തര്പ്രദേശില് ബിജെപി വീണ്ടും അധികാരത്തിലെത്തിയാല് അടുത്ത അഞ്ചുവര്ഷം കര്ഷകര്ക്ക് വൈദ്യുതി ബില് അടയ്ക്കേണ്ടി വരില്ലെന്ന് കേന്ദ്ര ആഭ്യന്തരമന്ത്രി അമിത് ഷാ. കര്ഷകര്ക്ക് സൗജന്യ വൈദ്യുതി നല്കുകയെന്നതാണ് ബിജെപിയുടെ നയം. ദിബിയാപൂരില് തെരഞ്ഞെടുപ്പ് റാലിയല് സംസാരിക്കുകയായിരുന്നു അദ്ദേഹം.
വോട്ടെണ്ണുന്ന മാര്ച്ച് 10ന് ബിജെപി വീണ്ടും അധികാരത്തിലെത്തുമ്പോള് 18ന് നിങ്ങളുടെ വീട്ടില് സൗജന്യ ഗ്യാസ് സിലിണ്ടര് എത്തുമെന്നും ഷാ പറഞ്ഞു. രണ്ട് ഘട്ടം തെരഞ്ഞടുപ്പ് കഴിഞ്ഞതോടെ സമാജ്വാദി പാര്ട്ടി തുടച്ചുനീക്കപ്പെട്ടു കഴിഞ്ഞു. മഞ്ഞക്കണ്ണടയാണ് അഖിലേഷിന്റേത്. അതുകൊണ്ട് എല്ലാം മഞ്ഞയായി കാണും. തോക്ക്, ബുള്ളറ്റ് എന്നൊക്കെയാണ് ഇപ്പോഴും അഖിലേഷ് പറയുന്നത്. തമ്മില് കൊല്ലാനുള്ള ആയുധമായിരുന്നു അവര്ക്ക് ഇത്. എന്നാല് ഇപ്പോള് ഇത് ശത്രുരാജ്യങ്ങള്ക്കെതിരെ ഉപയോഗിക്കാനുള്ളതായിട്ടുണ്ട് അമിത് ഷാ പറഞ്ഞു.
