ക്വീന്‍സ്ടൗണ്‍: ന്യൂസിലന്‍ഡിനെതിരായ ഏകദിന പരമ്പരയിലെ രണ്ടാം മത്സരത്തില്‍ ഇന്ത്യന്‍ വനിതകള്‍ക്ക് തോല്‍വി. മൂന്ന് വിക്കറ്റിനാണ് ന്യൂസിലന്‍ഡ് വിജയിച്ചത്. ഇതോടെ ആദ്യ രണ്ട് മത്സരങ്ങളും വിജയിച്ച ന്യൂസിലന്‍ഡ് പരമ്പരയില്‍ മുന്നിലായി.
ആദ്യം ബാറ്റ് ചെയ്ത ഇന്ത്യ മധ്യനിരയുടെ കരുത്തില്‍ ആറ് വിക്കറ്റ് നഷ്ടത്തില്‍ 270 റണ്‍സ് നേടി. മിതാലി രാജ്, റിച്ച ഘോഷ് എന്നിവരുടെ മികവിലാണ് ഇന്ത്യ ഭേദപ്പെട്ട സ്‌കോറിലെത്തിയത്. സബിനെനി മെഖന തുടക്കത്തില്‍ മികച്ച പ്രകടനം നടത്തി. 49 റണ്‍സാണ് മെഖന നേടിയത്. നായിക മിതാലി രാജ്, റിച്ച ഘോഷ് എന്നിവരുടെ ബാറ്റിങ് മികവാണ് ഇന്ത്യയെ മുന്നോട്ട് നയിച്ചത്. മിതാലി 66 റണ്‍സുമായി പുറത്താകാതെ നിന്നു. റിച്ച 65 റണ്‍സ് നേടി.
മറുപടി ബാറ്റിങ്ങിനിറങ്ങിയ ന്യൂസിലന്‍ഡിനായി എമീലിയ കെര്‍ സെഞ്ച്വറി നേടി. 119 റണ്‍സ് നേടി പുറത്താകാതെ നിന്ന കെറിന്റെ പ്രകടനമാണ് ന്യൂസിലന്‍ഡിന് വിജയം നല്‍കിയത്. മാഡി ഗ്രീന്‍ 52 റണ്‍സ് നേടി. ദീപ്തി ശര്‍മ നാല് വിക്കറ്റ് വീഴ്‌ത്തിയെങ്കിലും ഇന്ത്യക്ക് വിജയം നല്‍കാനായില്ല.
പ്രതികരിക്കാൻ ഇവിടെ എഴുതുക: