തിരുവനന്തപുരം: നെടുമങ്ങാട് ജില്ലാ ആശുപത്രിയില്‍ കൊവിഡ് രോഗി ആത്മഹത്യ ചെയ്‌തു. ആര്യനാട് കുളപ്പട സ്വദേശി ജോണ്‍ (50) ആണ് തൂങ്ങി മരിച്ചത്. മൂന്ന് ദിവസമായി നെടുമങ്ങാട് ആശുപത്രിയിലെ സിഎഫ്‌എല്‍ടിസിയില്‍ ചികിത്സയിലായിരുന്നു അദ്ദേഹം.
കടുത്ത പ്രമേഹരോഗിയായ ജോണ്‍ കാലില്‍ മുറിവുമായാണ് എത്തിയത്. ആശുപത്രിയില്‍ അഡ്മിറ്റ് ചെയ്യുന്നതിന് മുന്നോടിയായി നടത്തിയ പരിശോധനയിലാണ് കൊവിഡ് പോസിറ്റീവാണെന്ന് അറിഞ്ഞത്.
ജനറല്‍ വാര്‍ഡിലായിരുന്നു ആദ്യം പ്രവേശിപ്പിച്ചതെങ്കിലും മുറി വേണമെന്ന് ഇദ്ദേഹം ആവശ്യപ്പെട്ടിരുന്നു. തുടര്‍ന്ന് ഇന്ന് രാവിലെ പരിശോധനയ്‌ക്ക് നഴ്സുമാര്‍ എത്തിയപ്പോഴാണ് മുറിയില്‍ തൂങ്ങിയ നിലയില്‍ കണ്ടത്. പ്രമേഹരോഗവുമായി ബന്ധപ്പെട്ട് കടുത്ത മാനസിക സമ്മര്‍ദ്ദത്തിലായിരുന്നു ജോണ്‍ എന്നാണ് ബന്ധുക്കള്‍ നല്‍കുന്ന വിവരം. നെടുമങ്ങാട് പൊലീസ് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: