കണ്ണൂര്‍ : യുഎസ്, യുഎഇ സന്ദര്‍ശനത്തിന് ശേഷം തിരിച്ചെത്തിയ മുഖ്യമന്ത്രി പിണറായി വിജയന് നേരെ കരിങ്കൊടി വീശി. തിരുവനന്തപുരത്തു നിന്നും പന്ത്രണ്ട് മുക്കാലോടെ കണ്ണൂര്‍ വിമാനത്താവളത്തിലിറങ്ങിയ മുഖ്യമന്ത്രി പിണറായിലേക്ക് പുറപ്പെട്ടതിന് പിന്നാലെ യുവമോര്‍ച്ച പ്രവര്‍ത്തകര്‍ വാഹനവ്യൂഹത്തിന് നേരെ കരിങ്കൊടി കാണിക്കുകയായിരുന്നു.
സ്വര്‍ണ്ണക്കടത്ത് വിഷയത്തില്‍ സ്വപ്നയുടെ വെളിപ്പെടുത്തലിന്റെ പശ്ചാത്തലത്തില്‍ മുഖ്യമന്ത്രി രാജിവെയ്‌ക്കണം എന്നാവശ്യപ്പെട്ടായിരുന്നു പ്രതിഷേധം. യുഎഇ സന്ദര്‍ശനത്തിന് ശേഷം സ്വകാര്യ സന്ദര്‍ശനത്തിനെത്തിനായാണ് മുഖ്യമന്ത്രി കണ്ണൂരിലേക്ക് പോവുകയായിരുന്നു. വൈകിട്ടോടെ തിരുവനന്തപുരത്തേക്ക് തിരിക്കും.
പ്രതികരിക്കാൻ ഇവിടെ എഴുതുക: