അമ്പലപ്പുഴ: കുടുംബ ശ്രീ തെരഞ്ഞെടുപ്പുമായി ബന്ധപ്പെട്ട് സിപിഎമ്മില് തര്ക്കം രൂക്ഷം. പഞ്ചായത്ത് പ്രസിഡന്റ് സ്ഥാനം രാജിവെച്ച് സിപിഎം നേതാവ്. അമ്പലപ്പുഴ വടക്ക് ഗ്രാമ പഞ്ചായത്ത് പ്രസിഡന്റ് എസ്.ഹാരിസാണ് രാജിക്കത്ത് പാര്ട്ടിക്ക് കൈമാറിയത്.
നിലവിലെ സിഡിഎസ് ചെയര്പേഴ്സനെ വീണ്ടും ചെയര്പേഴ്സണാക്കണമെന്ന് പാര്ട്ടി നേതൃത്വം നിര്ദേശിച്ചിരുന്നു. എന്നാല് തന്നെ തെരഞ്ഞെടുപ്പില് പരാജയപ്പെടുത്താന് ശ്രമിച്ചയാളെ വീണ്ടും ചെയര്പേഴ്സണാക്കില്ലെന്ന് പഞ്ചായത്ത് പ്രസിഡന്റ് നിലപാട് സ്വീകരിച്ചു.തുടര്ന്നുണ്ടായ തര്ക്കമാണ് രാജിക്കത്ത് നല്കാന് കാരണമായത്.
എന്നാല് ഔദ്യോഗികമായി രാജിവെക്കാന് ഹാരിസ് തയ്യാറായിട്ടില്ല. പാര്ട്ടിക്ക് നല്കിയ രാജിക്കത്തിന് അനുമതിയും കൊടുത്തിട്ടില്ല. നിലവിലെ ചെയര്പേഴ്സനെ വീണ്ടും ചെയര്പേഴ്സണാക്കിയാല് രാജിക്കത്ത് പഞ്ചായത്ത് സെക്രട്ടറിക്ക് കൈമാറുമെന്നാണ് സൂചന.
