അമ്പലപ്പുഴ: ശ്രീകൃഷ്ണ സ്വാമി ക്ഷേത്രത്തിലെ ചരിത്ര പ്രസിദ്ധമായ 12 കളഭ മഹോത്സവത്തിന് മകരം ഒന്നായ ഇന്നലെ തുടക്കമായി. കൊവിഡ് ആശങ്ക നിലനില്‍ക്കുന്നതിനാല്‍ ഈ വര്‍ഷം ഭക്തര്‍ക്ക് കടുത്ത നിയന്ത്രണങ്ങളാണ് ഏര്‍പ്പെടുത്തിയിരിക്കുന്നത്. ആരോഗ്യ വകുപ്പും പോലീസും നല്‍കിയ നിര്‍ദേശങ്ങള്‍ കര്‍ശനമായി പാലിക്കണമെന്ന് ക്ഷേത്രോപദേശക സമിതി ഭാരവാഹികള്‍ അറിയിച്ചു.
ഒന്നാം കളഭ ദിനത്തില്‍ പുലര്‍ച്ചെ മുതല്‍ ഭക്തരുടെ തിരക്കായിരുന്നു. കളഭമഹോത്സവത്തിന്റെ ഭാഗമായുള്ള ശങ്കരനാരായണ കലോത്സവത്തിനും തുടക്കമായി. കൊവിഡ് ആശങ്കയുള്ളതിനാല്‍ അന്നദാനത്തിനും നിയന്ത്രണമേര്‍പ്പെടുത്തിയിട്ടുണ്ട്.ശങ്കരനാരായണ കലോത്സവ ഉദ്ഘാടനം പുതുമന ഈശാനന്‍ നമ്പൂതിരി നിര്‍വഹിച്ചു.
പ്രതികരിക്കാൻ ഇവിടെ എഴുതുക: