തിരുവനന്തപുരം: എസ്എഫ്‌ഐ പ്രവര്‍ത്തകരും അധ്യാപകരും തമ്മില്‍ ഏറ്റുമുട്ടി. ഒന്‍പത് പേര്‍ക്ക് പരിക്ക്. മലപ്പുറം മഞ്ചേരി പൂക്കൊളത്തൂര്‍ സി.എച്ച്.എം ഹയര്‍സെക്കണ്ടറി സ്‌കൂളിലാണ് സംഭവം. പഠിപ്പുമുടക്ക് സമരത്തില്‍ പങ്കെടുക്കാന്‍ മുന്‍കൈയ്യെടുത്ത പ്രവര്‍ത്തകനെതിരെ പ്രിന്‍സിപ്പല്‍ നടപടി എടുത്തതിലുള്ള പ്രതിഷേധം അറിയിക്കാനാണ് സ്‌കൂളില്‍ എസ്എഫ്‌ഐ നേതാക്കള്‍ എത്തിയത്.
തുടര്‍ന്ന് ഇവര്‍ സ്‌കൂള്‍ ഓഫീസ് ആക്രമിക്കുകയായിരുന്നു. കമ്പ്യൂട്ടര്‍ അടക്കം തകര്‍ത്തതോടെ അധ്യാപകര്‍ ചെറുത്തു നിന്നു. ഇതിനിടെ എസ്എഫ്‌ഐ ഏരിയ പ്രസിഡന്റിന്റെ കയ്യൊടിഞ്ഞു. സംഘര്‍ഷത്തില്‍ സ്‌കൂളിലെ 6 അധ്യാപകര്‍ക്കും 3 എസ്എഫ്‌ഐ നേതാക്കള്‍ക്കും പരുക്ക് പറ്റിയിട്ടുണ്ട്. പരുക്കേറ്റവരെ മഞ്ചേരി മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. പോലീസ് കേസെടുത്തു.
പ്രതികരിക്കാൻ ഇവിടെ എഴുതുക: