കൊച്ചി: ഇടുക്കി എന്‍ജിനീയറിംഗ് കോളജില്‍ സംഘര്‍ത്തിന് പിന്നാലെ എറണാകുളം മഹാരാജാസ് കോളജില്‍ എസ്.എഫ്.ഐ കെ.എസ്.യു സംഘര്‍ഷം. അക്രമത്തില്‍ എട്ട് കെ.എസ്.യു പ്രവര്‍ത്തകര്‍ക്ക് പരിക്കേറ്റു. വൈകിട്ട് നാലോടെയാണ് ഇരു വിഭാഗവും ചേരിതിരിഞ്ഞ് ഏറ്റുമുട്ടിയത്. പരിക്കേറ്റവരെ പോലീസ് സഹായത്തോടെ ജനറല്‍ ആശുപത്രിയില്‍ പ്രവേശിപ്പിച്ചു. ഒരു വിദ്യാര്‍ത്ഥിയുടെ തലയ്‌ക്ക് സാരമായ പരിക്കേറ്റിട്ടുണ്ട്.
ഇടുക്കി ഗവണ്‍മെന്റ് എന്‍ജിനീയറിംഗ് കോളജിലെ എസ്.എഫ്.ഐ. പ്രവര്‍ത്തകന്‍ കുത്തേറ്റ് മരിച്ച സംഭവത്തില്‍ പ്രതിഷേധിച്ച് എസ്.എഫ്.ഐ. പ്രവര്‍ത്തകര്‍ കാമ്പസില്‍ പ്രകടനം നടത്തുന്നതിനിടെയാണ് സംഘര്‍ഷം ഉണ്ടായത്. പ്രിന്‍സിപ്പല്‍ ആവശ്യപ്പെട്ടതനുസരിച്ച് വന്‍ പോലീസ് സംഘമാണ് ക്യാമ്പസില്‍ എത്തിയിരിക്കുന്നത്. മഹാരാജാസ് കോളജിലും സമീപത്തെ ലോ കോളജിലും എസ്പിയുടെ നിര്‍ദേശാനുസരണം പൊലീസ് കാവല്‍ ഏര്‍പ്പെടുത്തി.
ഇടുക്കി എന്‍ജിനീയറിംഗ് കോളജില്‍ എസ്.എഫ്.ഐ. പ്രവര്‍ത്തകന്‍ കുത്തേറ്റ് മരിച്ചതിന് പിന്നാലെ സംസ്ഥാനത്തെ പല കോളേജുകളിലും എസ്എഫ്‌ഐ അക്രമം അഴിച്ചുവിടുകയാണ്.
പ്രതികരിക്കാൻ ഇവിടെ എഴുതുക: