കൊച്ചി : നടിയെ ആക്രമിച്ചെന്ന കേസില്‍ പള്‍സര്‍ സുനി പകര്‍ത്തിയ പീഡന ദൃശ്യങ്ങള്‍ സ്റ്റുഡിയോയില്‍ എഡിറ്റ് ചെയ്‌തെന്ന സംവിധായകന്റെ ആരോപണം നിഷേധിച്ച് കൊച്ചിയിലെ സ്റ്റുഡിയോ അധികൃതര്‍. സംവിധായകന്‍ ബാലചന്ദ്രനെ കഴിഞ്ഞ ആറ് വര്‍ഷത്തിനിടെ ഒരിക്കല്‍ പോലും താന്‍ കണ്ടിട്ടില്ല. ഇത്തരത്തില്‍ ഒരു അനുഭവം ഉണ്ടായതായി തനിക്ക് അറിയില്ലെന്നും സ്റ്റുഡിയോ അധികൃതര്‍ അറിയിച്ചു.
നടിയെ അപകീര്‍ത്തിപ്പെടുത്തുന്ന ദൃശ്യങ്ങള്‍ പകര്‍ത്തുന്നതിനായി പള്‍സര്‍ സുനി പകര്‍ത്തിയ പീഡന ദൃശ്യങ്ങള്‍ സ്റ്റുഡിയോയില്‍ എത്തിച്ച് വീഡിയോയില്‍ 20 ഇരട്ടി ശബ്ദവര്‍ധനവ് നടത്തിയെന്നാണ് ഇതില്‍ ആരോപിക്കുന്നത്. കേസിലെ ഒന്നാം പ്രതി പള്‍സര്‍ സുനി പകര്‍ത്തിയ ദൃശ്യങ്ങള്‍ തന്റെ മുന്നിലിരുന്നു ദിലീപ് കണ്ടു.
പള്‍സര്‍ സുനിയുടെ ക്രൂരകൃത്യങ്ങള്‍’ കാണണോയെന്നു ചോദിച്ചാണ് ദൃശ്യങ്ങള്‍ കാണാന്‍ ദിലീപ് തന്നെ ക്ഷണിച്ചത്. ഭയവും സങ്കടവും തോന്നിയതിനാല്‍ അതിന് തയാറായില്ല. എന്നാല്‍ വീഡിയോയിലെ ശബ്ദം തന്റെ ടാബില്‍ റെക്കോര്‍ഡ് ചെയ്തു സൂക്ഷിച്ചെന്നും ബാലചന്ദ്രകുമാര്‍ വെളിപ്പെടുത്തി. ഈ ശബ്ദത്തിന്റെ പകര്‍പ്പ് അന്വേഷണ സംഘത്തിനു കൈമാറിയിട്ടുമുണ്ട്.
അതേസമയം ഇതുമായി ബന്ധപ്പെട്ട് ഏതെങ്കിലും വിധത്തില്‍ അന്വേഷണം ഉണ്ടായാല്‍ സഹകരിക്കും. പോലീസ് തെളിവെടുപ്പിന് എത്തുന്നത് സംബന്ധിച്ച് യാതൊരുനിര്‍ദ്ദേശങ്ങളും ഇതുവരെ ലഭിച്ചിട്ടില്ലെന്നും സ്റ്റുഡിയോ അധികൃതര്‍ പ്രതികരിച്ചു. നിലവില്‍ പ്രത്യേക സംഘമാണ് കേസില്‍ അന്വേഷണം നടത്തുന്നത്. കേസില്‍ തുടരന്വേഷണം മുന്നോട്ടു കൊണ്ടുപോകുന്നത് സംബന്ധിച്ച് സര്‍ക്കാര്‍ നിര്‍ദ്ദേശത്തിന്റെ അടിസ്ഥാനത്തില്‍ ഉന്നത ഉദ്യോഗസ്ഥര്‍ യോഗംചേര്‍ന്ന് ഇക്കാര്യം ചര്‍ച്ച ചെയ്തു.
പ്രതികരിക്കാൻ ഇവിടെ എഴുതുക: