ലഖ്നോ: എങ്ങിനെ ക്ഷേത്രത്തിനുള്ളില് ഇരിയ്ക്കണമെന്ന് കൂടി അറിയാത്ത നേതാവാണ് രാഹുല് ഗാന്ധിയെന്ന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥിന്റെ പരിഹാസം.
അമേഠിയില് നിന്നുള്ള ഈ മുന് എംപിയ്ക്ക് ഹിന്ദുയിസത്തിന്റെയും ഹിന്ദുത്വയുടെയും അര്ത്ഥമറിയില്ലെന്നും വ്യാജമായ പ്രചാരണമാണ് അഴിച്ചുവിടുന്നതെന്നും അദ്ദേഹം പറഞ്ഞു. അമേഠിയില് തിങ്കളാഴ്ച നടന്ന ഒരു റാലിയില് സംസാരിക്കുകയായിരുന്നു യോഗി ആദിത്യനാഥ്.
‘രാഹുല്ഗാന്ധിയ്ക്ക് എങ്ങിനെയാണ് ക്ഷേത്രത്തിനുള്ളില് ഇരിയ്ക്കേണ്ടതെന്ന് അറിയില്ല. അദ്ദേഹം സന്ദര്ശിച്ച ഒരു ക്ഷേത്രത്തിലെ പുരോഹിതനെ എങ്ങിനെ ക്ഷേത്ത്രതിനുള്ളില് ഇരിയ്ക്കണമെന്ന കാര്യം രാഹുലിനെ പഠിപ്പിക്കേണ്ടതായി വന്നു. ഹിന്ദുയിസം, ഹിന്ദുത്വ എന്നിവയുടെ അര്ത്ഥമൊന്നും രാഹുലിന് അറിയില്ല. അദ്ദേഹം വ്യാജ പ്രചാരണം നടത്തുകയാണ്,’- യോഗി ആദിത്യനാഥ് പറഞ്ഞു.
