മലപ്പുറം: വിവാദങ്ങള്‍ക്ക് ശേഷം സമസ്തയുടെ രാഷ്‌ട്രീയ നിലപാട് വ്യക്തമാക്കി സംഘടനാ അധ്യക്ഷന്‍ ജിഫ്രി മുത്തുക്കോയ തങ്ങള്‍. ഭരിക്കുന്ന സര്‍ക്കാരുമായി സഹകരിച്ച് പോകുകയെന്നതാണ് സമസ്തയുടെ നിലപാട്. എതിര്‍ക്കേണ്ട കാര്യങ്ങള്‍ എതിര്‍ത്ത പാരമ്പര്യവുമുണ്ടെന്നും ജിഫ്രി തങ്ങള്‍ വ്യക്തമാക്കി.
ചില രാഷ്‌ട്രീയ സംഘടനയുമായി ശക്തമായ ബന്ധമുണ്ട്. രാഷ്‌ട്രീയ പാര്‍ട്ടികള്‍ വ്യക്തമായ ലക്ഷ്യങ്ങളോടെയാണ് പ്രവര്‍ത്തിക്കുന്നത്. എന്നാല്‍ അത് സമസ്തയുടെ ലക്ഷ്യമായിരിക്കില്ലായെന്ന് മുസ്ലീം ലീഗിനെ പരോക്ഷമായി പരാമര്‍ശിച്ച് ജിഫ്രി മുത്തുക്കോയ തങ്ങള്‍ പറഞ്ഞു.
തനിക്കെതിരെ ഉയര്‍ന്നിരിക്കുന്ന ആക്ഷേപങ്ങള്‍ക്ക് പുല്ലുവില മാത്രമാണ് നല്‍കുന്നത്. വധഭീഷണിയില്‍ ഒരു രാഷ്‌ട്രീയ പാര്‍ട്ടിക്കെതിരെയും പരാതി നല്‍കിയിട്ടില്ലായെന്നും തങ്ങള്‍ പറഞ്ഞു.
പ്രതികരിക്കാൻ ഇവിടെ എഴുതുക: